राहुल मसुरे, जिवती तालुका प्रतीनिधी
महाराष्ट्र संदेश न्युज ! ऑनलाईन जिवती:- अतिदुर्गम तालुक्याची विकासाकडे वाटचाल असून संबंधित अधिकारी व ठेकेदार विकास कामाला गालबोट लावण्यात अग्रेसर असल्याचे दिसून येत आहे.
जिवती तालुक्यात अनेक योजनेतून शासकीय इमारतीचे बांधकाम सुरू असून या बांधकामाकडे संबंधित बांधकाम विभागाच्या अधिकाऱ्यांच्या जाणून बुजून दुर्लक्षपणा मुळे बांधकामांचे पार वाट लागली आहे. नवीन अंगणवाडी इमारतीचे बांधकाम चिलाटी गुडा भोकसापूर शंकरपठार या गावात सुरू असून या बांधकामात वापरले जाणारे बांधकाम मटेरियल अत्यंत बोगस निकृष्ट दर्जाचे वापरले जात आहे. मातिमिश्रीत रेती, सिमेंट हलक्या दर्जाचे कमी प्रमाणात वापरले आहे. लोखंड नियमानुसार वापरण्यात आले नसल्याने भविष्यात या इमारती टिकणार नाही या बोगस निकृष्ट दर्जाचा कामाची तक्रार दि.२७ डिसेंबर २०२३ रोजी संवर्ग विकास अधिकारी पंचायत समिती यांच्या कडे केली होती तरी पण आजपर्यंत चौकशी झाली नाही व संबंधित ठेकेदारावर आणि संबंधित इंजिनिअर वर कसल्याच प्रकाची चौकशी करण्यात आली नाही व कारवाई करण्यात आली नाही म्हणून आज दिनांक ३ जानेवारी २०२४ रोजी संवर्ग विकास अधिकारी पंचायत समिती जिवती यांना चौकशी झाली का झाली असल्यास अहवाल द्या अन्यथा महाराष्ट्र नवनिर्माण सेना तालुका जिवती च्या वतीने संवर्ग विकास अधिकारी यांच्या दालनात मुंडन आंदोलन करुन निषेध केला जाणार असा इशारा हक्कानी शेख मनसे तालुकाध्यक्ष जिवती यांनी निवेदनाद्वारे दिला आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348
