वाशिम जिल्हा प्रतिनिधी
महाराष्ट्र संदेश न्युज ! ऑनलाईन वाशीम दि.20 मार्च:- राष्ट्रवादी युवक काँग्रेस प्रदेश उपाध्यक्ष प्रशांत गोळे यांची हकालपट्टी करण्यात आल्याची माहिती समोर आली आहे. त्यामुळे वाशिम जिल्ह्यात राष्ट्रवादी काँग्रेस पक्ष अजित पवार गटात काही आलबेल नसल्याचे दिसून येत आहे.
डिसेंबर महिन्यात मुंबईत प्रशांत गोळे यांना राष्ट्रवादी युवक काँग्रेस प्रदेश उपाध्यक्ष पदाचे नियुक्तीपत्र युवक प्रदेशाध्यक्ष सुरज चव्हाण यांनी प्रदेशाध्यक्ष खासदार सुनील तटकरे यांच्या मान्यतेने दिले होते. तीनच महिन्यात त्यांची हकालपट्टी करण्यात आली आहे.
प्रशांत गोळे यांच्या कार्यावर मागील अनेक दिवसापासून राष्ट्रवादी काँग्रेस पक्षाचे कार्यकर्ते नाराज होते. त्यांनी पक्षा विरोधी चुकीचे निर्णय घेतले अशा ठपका ठेवून त्याची हकालपट्टी करण्यात आली आहे.
यावेळी महाराष्ट्र संदेश न्युजशी नाव न छापण्याच्या अटीवर कार्यकर्त्यांनी सांगितले की, प्रशांत गोळे हे जेव्हा पासून राष्ट्रवादी युवक काँग्रेस प्रदेश उपाध्यक्ष पदी निवड झाली तेव्हा पासून त्यांनी प्रामाणिक कार्यकर्त्यांना डावलून त्याच्या विरुध्द कुळजोरी करून त्यांना संपवण्याचा घाट रचला होता. त्यामुळे त्याच्या विरोधात अनेक कार्यकर्त्यांनी आक्रमक भूमिका घेत राष्ट्रवादी काँग्रेस पक्षाचे अध्यक्ष आणि उपमुख्यमंत्री अजित पवार यांना अनेक तक्रारी केल्या होत्या. त्यामुळे त्यांची आज हकालपट्टी करण्यात आल्याने कार्यकर्त्यात आनंदाचे वातावरण निर्माण झाले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348
