उमेश इंगळे अकोला जिल्हा प्रतिनिधी
महाराष्ट्र संदेश न्युज ! ऑनलाईन अकोला:- अकोला पश्चिम विधानसभा मतदारसंघ पोट निवडणुकीसाठी काँग्रेसकडून साजीदखान पठाण यांना उमेदवारी जाहीर झाली आहे. २०१९ च्या निवडणुकीत आ. गोवर्धन शर्मा यांचा निसटता विजय झाला होता.
अकोला लोकसभा निवडणुकीसोबतच आ. गोवर्धन शर्मा यांच्या निधनाने रिक्त झालेले अकोला पश्चिम मतदारसंघाटची पोटनिवडणूक लागली आहे. महाविकास आघाडीत वंचित बहुजन आघाडीचा अधिकृत समावेश आणि जागा वाटपाबाबत निर्माण झालेला तिढा कायम असल्याने, गुरुवार २१ मार्चला मुंबईत झालेल्या बैठकीत कुठलाही निर्णय घेण्यात आला नसल्याचे वृत्त आहे.
राष्ट्रवादी काँग्रेस शरदचंद्र पवार पक्ष आणि शिवसेना उध्दव बाळासाहेब ठाकरे पक्षाच्या अधिकृत उमेदवारांच्या नावांची घोषणा येत्या रविवारी होण्याची शक्यता आहे.
महाविकास आघाडीच्या वतीने वंचित बहुजन आघाडीला ४ जागा देण्यास तयारी दर्शवली होती. पण महाविकास आघाडीचे नेते आणि वंचित बहुजन आघाडीचे अध्यक्ष प्रकाश आंबेडकर यांची तळजोड होत नाही त्यात 4 जागा घेण्यास आंबेडकर यांनी यावर कुठलाही प्रतिसाद दिला नाही. प्रकाश आंबेडकर यांचा महाविकास आघाडीत सहभाग करुन घेण्यासाठी काँग्रेसकडून भरपूर प्रयत्न केले
