युवराज मेश्राम, विदर्भ ब्यूरो चीफ
नागपूर:- येथून एक नात्याला काळीमा फासणारी संतापजनक घटना समोर आली आहे. एका नराधम मामाने आपल्या भाचीवर अनेक दिवस बलात्कार केल्याच्या घटनेने नागपूर हादळल आहे.
ज्या बहिणीने आपल्या भावाला घरी आसरा दिला तो भाऊ नराधम निघत असेल तर आज विश्वास कुणावर ठेवायचा हा प्रश्न निर्माण झाला आहे. घरी राहायला आलेल्या चुलत मामाची आपल्या सोळा वर्षीय भाचीवर वाईट नजर गेली. त्याने नात्याचा विचार न करता भाचीला जाळ्यात ओढून लैंगिक शोषण केले. तिचे वाईट अवस्थेतील फोटो प्रसार माध्यमांवर प्रसारित करून तिची बदनामी केली. या प्रकरणी गणेशपेठ पोलिसांनी गुन्हा दाखल केला. पवित्र नात्याला काळिमा फासणाऱ्या त्या चुलत मामाला बेळ्या ठोकल्या आहे.
नराधम आरोपी पीडित मुलीच्या आईचा चुलत भाऊ आहे. हा बाजारगावजवळील एका खेड्यात राहायचा. त्याच्या मोठ्या चुलत बहिणीचे लग्न नागपुरात झाले. बहिणीकडे तो राहायला आला. बहिणीकडे राहत असताना त्याची वाईट नजर दहावीत असलेली 16 वर्षीय अलपवयीन भाचीवर पडली. भाचीला लाड करण्याच्या बहाण्याने तिच्याशी तो अश्लील चाळे करीत होता. त्याची हिंमत वाढली आणि तिच्या खोलीत जाऊन अश्लील चाळे करायला लागला.
अल्पवयीन असलेल्या भाचीने याबाबत आईकडे तक्रार केली नाही. भाचीचे अश्लील छायाचित्र काढले. ते छायाचित्र दाखवून त्याने भाचीला शारीरिक सुखाची मागणी केली. भाचीनेही नाईलाजास्तव बदनामी होऊ नये म्हणून होकार दिला.
तेव्हापासून हा केव्हाही भाचीला शारीरिक संबंधाची मागणी करायचा. 2020 मध्ये कोरोना काळात बहिण कोरोना व्हायरस बाधीत झाली असल्याने ती विलगीकरणात होती. त्यादरम्यान त्याने भाचीवर अनेकदा बलात्कार केला.
तक्रार पीडित मुलीने पोलिसात तक्रार केल्या नंतर गणेश पेठ पोलिस यांनी नराधम आरोपी मामाला अटक केली. त्याच्यावर विविध कलमा अन्वये गुन्हा दाखल करून पुढील तपास गणेशपेठ पोलीस करीत आहे.
