विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन एटापल्ली:- येथून एक अपघाताची दुर्दैवी घटना समोर आली आहे. येथे ट्रकच्या अपघातात पुन्हा एक बळी गेला आहे. काल दिनांक ३ जून रोजी सायंकाळी ७ वाजता आलापल्ली वरून मयत मनोज नरोटी घोटसुर हा वनरक्षक एटापल्ली कडे येत असतांना एटापल्ली पासून २ कीलोमीटर अंतरावर बावा का ढाबा समोर आलापल्ली वरून एकाच दिशेने येणाऱ्या ट्रकने मोटार सायकलला जोरदार धडक दिली व मोटारसायकलला एवढी जबरदस्त धडक मारली की, मोटार सायकल चालकाच्या डोक्यावरून ट्रक जाऊन डोक्याचा भेजा बाहेर पडला.
मनोज नरोटी घोटसुर यांचे असे अपघाती निधनानं त्यांच्या कुटुंबियांवर दुःखाचे डोंगर कोसळले आहे. तर वन विभागात हळहळ व्यक्त करण्यात येत आहे.
या अपघाताची माहिती मिळताच घटनास्थळी पोलिस दाखल झाले यावेळी पोलिसांनी पंचनामा करून मृतदेह शवविच्छेदन करीता ग्रामीण रुग्णालय एटापल्ली येथे पाठविला आहे. पुढील तपास पोलीस निरीक्षक कुकडे साहेब करीत असुन सोबत सहाय्यक निरीक्षक श्री शिंदे व मुंडे करीत आहेत.
