अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- हिंगणघाट पोलीस स्टेशन अंतर्गत कार्यरत असलेल्या 112 पथकाचा पोलीस अधीक्षक नुरुल हसन यांच्याकडून त्यांच्या उत्कृष्ट कामगिरीबद्दल पोलीस प्रशस्ती पत्र देऊन सन्मानीत करण्यात आले.
हिंगणघाट पोलीस मधील 112 पथक नेहमी तत्परता दाखवित हिंगणघाट येथील नागरिकांच्या तक्रारीवर बिना विलंब घटने पर्यंत पोहोचून माहिती घेत त्यांच्यावर तात्काळ कारवाई करतात. अनेक वेळा अनेकांचे निर्माण झालेले प्रश्न मार्गी लावून गुन्हेगारी स्वरूपात होणाऱ्या मोठ्या घटना वर आळा घालतात. त्यामुळे मोठ्या प्रमाणात गंभीर घटनांना आळा घालण्यात पथकाला यश आले आहे.
पोलीस ठाणेदार गबने यांच्या मार्गदर्शनात दिवस रात्र सतर्क राहत 112 क्विक ऍक्शन टिम
हिंगणघाट मधील होणाऱ्या घटने पर्यंत पोहोचून गुन्हेगारी स्वरूपातील नागरिकांच्या समस्या समजून अनेक घटनां थांबविण्यात यश मिळाले आहे. याची दखल घेत पोलीस अधीक्षक नूरुल हसन यांनी वर्धा येथील पोलीस मुख्यालयात पोलीस हवालदार प्रवीण बोधाने, पोलीस शिपाई भूषण भोयर, संदीप उईके, महेंद्र गायकवाड यांना प्रशस्ती पत्र देऊन सन्मानीत करण्यात आले.
