गुणवंत विद्यार्थी सत्कार सोहळा ब्रम्हपुरी येथे गौरव.
मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- जिल्यातील अहेरी तालुक्यातील पेरमिली येथील प्रियशील तुळशीराम चंदनखेडे याचा ब्रम्हपुरी येथील वंदनीय राष्ट्रसंत तुकडोजी महाराज मैदानावर आयोजित गुणवंत विद्यार्थी सत्कार व मार्गदर्शन सोहळ्यात महाराष्ट्र विधानसभेचे विरोधी पक्ष नेता विजय वडेट्टीवार यांच्या हस्ते सत्कार करण्यात आला आहे.
ब्रम्हपुरी काँग्रेस व शहर काँग्रेस कमेटी तथा ब्रम्हपुरी युवक काँग्रेस आणि ब्रम्हपुरी महिला काँग्रेस कमेटी च्या वतीने दिनांक ०६जुलै रोजी ब्रम्हपुरी विधानसभा मतदारसंघातील इयत्ता १० व १२ वीत प्रावीन्यप्राप्त व गुणवंत विद्यार्थ्यांचा आणि त्यांना घडविण्याऱ्या पालकांचा, गुरुजनांचा सत्कार तथा मार्गदर्शक सोहळा कार्यक्रम आयोजित करण्यात आले होते.
ब्रम्हपुरी येथील नेवजाबाई हितकारणी विद्यालयात इयत्ता १२ वी कला शाखेत ६००पैकी ५११ गुण ८५.१७ % प्राप्त करून प्रथम क्रमांकात उत्तीर्ण विद्यार्थी प्रियशील रुपाली तुळशीराम चंदनखेडे यांचे सदर कार्यक्रमात विरोधी पक्षनेते वडेट्टीवार यांच्या हस्ते शिल्ड व प्रशस्तीपत्र देऊन सत्कार करण्यात आले या प्रसंगी त्यांना घडविणारे त्याचे वडील तुळशीराम चंदनखेडे यांचाही शाल देऊन सत्कार केले.प्रियशील यांनी दहावीत सुद्धा ५०० पैकी ४३६ गुण ८७.२० टक्केवारी ने उत्तीर्ण झाले.या सत्काराचे श्रेय आपले प्राचार्य, प्राध्यापक, आईवडील व मित्र मंडळींना दिले.त्यांचा सत्कार झाल्याबद्दल सर्वत्र अभिनंदनाचा वर्षाव होत आहे.
