विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन एटापल्ली:- तालुक्यातून एक खळबळजनक घटना समोर आली आहे. येथे मागील तीन दिवसापासून बेपत्ता असलेल्या एका युवकाचा मृतदेह तलावात आढळल्याने खळबळ उडाली आहे. या तरुणाची हत्या की आत्महत्या याबाबत गावात विविध चर्चेला उधाण आले आहे.
एटापल्ली पासून ४० किलोमीटर अंतरावर असलेल्या मौजा कोत्ताकोंडा पोस्ट घोटसुर येथील युवक संजय देवू कोवासी वय ३० वर्ष हा युवक मागील तीन दिवसापासुन बेपत्ता होता सर्वत्र शोध घेतला असता तो कुठेही मिळून आला नाही त्यानंतर मृतकाच्या पत्नी विमल संजय कोवासी हीने पोलीस स्टेशन कसनसुर येते पती बेपत्ता असल्याची तक्रार दाखल केली होती.
पण काल गावातील तलावात एका तरुणाचा मृतदेह तरंगताना गावकऱ्यांना आढळून आला. त्यानंतर याची माहिती पोलीसांना देण्यात आली. माहिती मिळताच पोलीस घटनास्थळी दाखल झाले आणि तरुणाचा मृतदेह तलावाच्या बाहेर काढण्यात आला. यावेळी तो मृतदेह संजय देवू कोवासी याचा असल्याचे समोर आले. मृतदेहाचा पंचनामा करून मृतदेह शवविच्छेदनासाठी ग्रामीण रुग्णालय एटापल्ली येथे पाठविण्यात आला.
शवविच्छेदन अहवाला नंतर या तरुणाची हत्या करण्यात आली की त्याने आत्महत्या केली हे समजेल. पोलीस स्टेशन कसनसुरने 16/ 24 कलम 114 अन्वये गुन्हेची नोंद केली आहे. पुढील तपास पोलीस करत आहे.
