संस्थेने व्यक्त केले आमदार कुणावार यांचे आभार, उडिया वस्तीतही ११ लाखाचे निधीतून होणार सार्वजनिक शौचालय निर्माण.
अनिल कडू विशेष प्रतिनिधी हिंगणघाट महाराष्ट्र संदेश न्युज ! ऑनलाईन हिंगणघाट:- शहरातील प्रभाग क्र.१२ येथील जय मातृभूमी यादगार मंडळ येथे आमदार समीर कुणावार यांचे स्थानिक विकास कार्यक्रमांतर्गत इमारत बांधकाम करण्यासाठी सुमारे १५ लक्ष रूपये, इतर साहित्यासाठी ५ लक्ष रूपये तसेच बोरवेलकरिता १ लाख रुपये असा एकूण २१ लाख रुपये निधी देण्यात आला, काल स्वातंत्र्य दिनी या कामाचे लोकार्पण करण्यात आले.
काल दि.१५ रोजी जय मातृभूमी यादगार व्यायाम शाळेच्या वतीने आयोजीत कार्यक्रमात आमदार समीर कुणावार यांचे जाहीर आभार व्यक्त करीत त्यांचे स्वागत करण्यात आले. यावेळी भाजपा जिल्हा उपाध्यक्ष किशोर दिघे, माजी नगरसेवक विनोद झाडे, माजी नगरसेवक प्रकाश राऊत, पत्रकार प्रदिप नागपूरकर इत्यादीसह यादगार मंडळाचे पदाधिकारी, सदस्य, परिसरातील गणमान्य नागरीक उपस्थित होते.
काल १५ ऑगस्ट स्वातंत्र्यदिनी प्रभाग क्र.१२ शास्त्री वार्ड परिसरातील उडिया झोपडपट्टी परिसरात सुमारे ११ लक्ष,१७ हजार निधीतून सार्वजनिक शौचालयाचे बांधकाम करण्यात येत आहे. सदर ठिकाणी आ. समीर कुणावार यांचे हस्ते भूमिपूजन संपन्न झाले. यावेळी भाजपा जिल्हा उपाध्यक्ष किशोर दिघे, माजी नगरसेवक विनोद झाडे, माजी नगरसेवक प्रकाश राऊत, शितल चौधरी, प्रकाश लंके, पत्रकार प्रदीप नागपूरकर, शेख बब्बू, देवराव वाघ, प्रकाश मैंद, दिलीप थाटे, गजानन चौधरी , प्रशिल बाभुळकर, राजू हस्ते, संजय बोकडे, प्रकाश धोटे, कंत्राटदार सागर मुंदडा इत्यादी अनेक मान्यवर, पाहुणे तसेच परिसरातील नागरीक उपस्थित होते.