पोलीस निरीक्षक व उपविभागीय अधिकारी यांना निवेदनाच्याद्वारे कारवाई करण्याची मागणी.
प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन आर्वी:- देशात राज्यात महिला अत्याचाराच्या घटना समोर येत असून त्यामुळे सर्वत्र संताप व्यक्त करण्यात येत आहे. महाराष्ट्रातील बदलापूर येथे दोन मुलीवर अत्याचाराची घटनेमुळे संपूर्ण राज्यात खळबळ माजली आहे. त्यात आर्वी शहरातील जनता नगर येथून एक खळबळजनक घटना समोर आली आहे.
येथील नीलेश अजाब शिंदे यांने अल्पवयीन मुलीला तिच्या मैत्रिणी सोबत रस्त्यावर विनयभंग केल्याचा प्रकार समोर आलेला आहे. याबाबत आवी पोलीस स्टेशन येथे पोलिसांना तक्रार केल्यानंतर पोलिसांनी मुलाला वर्धा येथील न्यायालयात नेल्याचे कळवले आणि अर्जदाराला सांगितले की आरोपीला जमानत मिळालेली आहे.
त्यानंतर दिनांक 15 ऑगस्ट आणि 16 ऑगस्ट दोन दिवसापासून आरोपी चक्क मुलीच्या घराच्या जवळ चकरा मारून दहशत निर्माण करण्याचा प्रयत्न करत आहे. त्यामुळे पिढीत दोन मुलीचा सध्या शाळा बंद आहे. या संबंधित ताबडतोब कारवाई करण्यात यावी तसेच मुलीच्या घरातील लोकांना संरक्षण देण्यात यावे याबाबतची मागणी करण्यात आलेली आहे. तसेच शाळेच्या थोडे दूर तळेगाव रोडवर एक मैफिल चाय असे कॅन्टींग सुरू असून त्यामध्ये अपराधी प्रवृत्तीचे मुलांचाही समावेश असतो राजीव गांधी स्टेडियम मध्ये येणाऱ्या जाणाऱ्या मुलींना टोमणे मारणे आणि अश्लिल चाळे करण्याचा हे अपराधी मुलं काम करतात त्यामुळे सदर कॅन्टीनही ताबडतोब बंद व्हावे व त्याच्यावर कारवाई व्हावी तसेच सार्वजनिक ठिकाणी पोलीस संरक्षण मुलींना मिळावी असे यावेळी उपस्थित नागरिकांची मागणी आहे.
