मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- वर्धा जिल्हा स्पोर्ट्स व कराटे असोसिएशन वर्धा यांच्या वतीने आज दि 21 आगस्टला वर्धा येथील सत्यनारायण बजाज सार्वजनिक वाचणालयाच्या सभागृहात संपूर्ण विदर्भात सुपरिचित असलेले रुग्णमित्र गजू कुबडे यांचा सत्कार खासदार अमर काळे यांच्या हस्ते झाले. यावेळी व्यासपीठावर ज्येष्ठ समाजसेवक मोहनबाबू अग्रवाल, आनंदवन वरोराचे विश्वस्त सुधाकर कडू, कस्तुरबा हेल्थ सोसायटीचे अध्यक्ष परमानंदजीं तापडिया, रंगभूमी प्रयोग परि निरीक्षण मंडळ मुंबईचे सदस्य डॉ. रमेश थोरात, नवक्षितिज चरिटेबल मुंबई अध्यक्ष सुनील कुमरे, जिल्हा क्रीडा अधिकारी अनिल निमगडे, निम्नप्रकल्प चे उपकार्यकारी अभियंता अमोल आठवले हे मान्यवर उपस्थित होते.
यावेळी खासदार अमर काळे यांनी गोरगरिबांसाठी शासनाच्या वेगवेगळ्या आरोग्य विषयक ज्या शासकीय योजना आहेत त्यांची योग्य माहिती गरजू व वंचिताना देऊन त्यांना विनामूल्य शासकीय सुविधा उपलब्ध करून देण्यासाठी ते नेहमी जीवाचे रान करीत असतात व त्यांचे कार्य बहुमूल्य आहे असे गौरवउदगार त्यांनी कुबडे यांच्या विषयी काढले.
या कार्यक्रमाचे प्रास्ताविक इमरान राही यांनी केले तर संचालन मंगेश भोगाडे व कल्याणी भोगाडे यांनी केले. यावेळी रुग्णमित्र गजू कुबडे यांच्या आजवरच्या कार्यकाळात झालेला हा आजचा 50 वा सत्कार आहे हे विशेष.
