अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर:- क्रीडा संकुल सावनेर येथे पार पडलेल्या तालुकास्तरीय बुद्धिबळ स्पर्धेत सावनेर पब्लिक स्कूल गुजरखेडी (सी. बी. एस. ई. आणि स्टेट बोर्ड) च्या विद्यार्थ्यांनी यश संपादन करून शाळेचे नाव लौकिक केले.
यामध्ये अंडर १४ वर्ष मुलींच्या वयोगटात कुमारी विना वरखेडे, अंडर १७ वर्ष मुलींच्या वयोगटात कुमारी रिया साहानी,अंडर १७ वर्ष मुलांच्या वयोगटामध्ये प्रथमेश चापले या विद्यार्थ्यांनी तालुकास्तरावरून जिल्हास्तरावर होणाऱ्या बुद्धिबळ स्पर्धेसाठी पात्र ठरले.
या यशाबद्दल संस्थेचे अध्यक्ष डॉ. अशोक जीवतोडे, संस्थेच्या सचिव डॉ. प्रतिभा जीवतोडे, संचालक रत्नाकर डहाके (पाटील) तसेच शाळेच्या प्राचार्या ममता अग्रवाल (सी.बी.एस.ई.), वैशाली देशपांडे (स्टेट बोर्ड), क्रीडा शिक्षक चंद्रकांत कोमुजवार, अक्षय घोरमारे, नितीन दोरखंडे तसेच सर्व शिक्षक, शिक्षकेतर कर्मचारी वृंद यांनी विद्यार्थ्यांचे अभिनंदन केले.
