आमदार समिर कुणावार यांचे प्रमुख उपस्थितीत स्वीकारला भाजपाचा शेला.
प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन हिंगणघाट:- हिंगणघाट विधानसभा क्षेत्रात दिवसेंदिवस भाजपाचा मोठया प्रमाणात विस्तार होत असून विधानसभा क्षेत्रातील नागरीक, युवा व महीला कार्यकर्ते आमदार समिर कुणावार यांचे नेतृत्वावर विश्वास व्यक्त करीत मोठया प्रमाणात भारतीय जनता पक्षात प्रवेश करीत आहेत.
आज दि. २९ रोजी हिंगणघाट टिळक वॉर्ड येथील काँग्रेसचे सक्रिय कार्यकर्ता रवी सितारामजी काटोले यांनी आमदार समीर कुणावार यांचा विधानसभा क्षेत्रातील लोकाभिमुख विकास तसेच आमदार समीर कुणावार यांची कार्यशैली पहाता भारतीय जनता पक्षात प्रवेश केला. सदर प्रवेश सोहळ्याचे आयोजन आज दि. २८ ऑगस्ट २०२४ रोजी आ. समीर कुणावार यांच्या स्थानिक जनसंपर्क कार्यालयात करण्यात आले. याप्रसंगी प्रामुख्याने हिंगणघाट टिळक वॉर्ड येथील काँग्रेसचे सक्रिय कार्यकर्ता रवी सितारामजी काटोले यांना भारतीय जनता पक्षात रितसर प्रवेश देण्यात आला.
उपरोक्त कार्यक्रम आमदार समीर कुणावार यांच्या प्रमुख उपस्थितीत संपन्न झाला. सदर कार्यक्रमाचे वेळी आ.समीर कुणावार यांचेसह भाजपा जिल्हा उपाध्यक्ष किशोर दिघे, भाजपा जिल्हा महामंत्री आकाश पोहाणे, वर्धा नगरपरिषदेचे माजी उपाध्यक्ष तथा भाजपा हिंगणघाट विधानसभा विस्तारक कमल कुलधरीया, बाळासाहेब इंगोले इत्यादी भाजपा व युवा मोर्चाचे पदाधिकारी तसेच जेष्ठ कार्यकर्ते उपरोक्त पक्षप्रवेश सोहळ्यास उपस्थित होते.
