रविंद्र भदर्गे, जालना जिल्हा प्रतिनिधी
महाराष्ट्र संदेश न्युज ! ऑनलाईन जालना:- येथून एक हत्येचे एक खळबळजनक घटना समोर आली आहे. येते अनैतिक संबंधातून एका तरुणाची हत्या करण्यात आली आहे. हत्या झाल्यानंतर शहरात मोठ्या प्रमाणात विस्फोटक परिस्थिती निर्माण झाली आहे. यावेळी जमावाकडून आरोपीच्या घराची तोडफोड करण्यात आली आहे.
जालना शहरातील जामवाडी परिसरातील शेख हाफीज शेख हाबीब याची अनैतिक संबंधातून हत्या करण्यात आली. तो शहरातील कन्हैयानगर येथील रहिवासी आहे. दरम्यान हत्या झाल्याची बातमी शहरात वाऱ्यासारखी पसरताच कन्हैयानगर येथे मोठा जमाव जमला. यावेळी मृतकाच्या नातेवाईकांनी आरोपीच्या घराची तोडफोड केली आहे.
या हत्येची माहिती मिळताच पोलीस घटनास्थळी दाखल झाले. यावेळी पोलिसांनी जमावाला पांगवण्यासाठी परिसरात पोलिसांचा मोठा फौजफाटा तैनात करण्यात आला . घटनेबाबत अधिक तपास सुरू असल्याची माहिती पोलिसांकडून देण्यात आली आहे.
