हनिशा दुधे चंद्रपूर जिल्हा ग्रामीण प्रतिनिधी
महाराष्ट्र संदेश न्युज ! ऑनलाईन बल्लारपूर:- येथून एक खळबळजनक घटना समोर आली आहे. येथील पेपरमिल मिल मध्ये काम करणाऱ्या कामगाराने खळबळजनक पाऊल उचलत राहत असलेल्या क्वार्टरमध्ये गळफास घेऊन आत्महत्या केली. एकनाथ सुरजागडे वय 59 वर्ष राह. न्यू कॉलनी असे आत्महत्या केलेल्या कामगाराचे नाव आहे.
प्राप्त माहितीनुसार, आत्महत्या करणारे एकनाथ सुरजागडे हे मिल मध्ये शेवटचे 16 सप्टेंबरला पहिल्या शिफ्टमध्ये कामावर गेले होते. त्यांच्यासोबत क्वार्टर्समध्ये राहणारे साहूभाई आलाराम लटारे हे सोमवारी त्यांच्या मूळ गावी भामरागड येथे गेले होते. 19 सप्टेंबर रोजी आलाराम कटारे हे न्यू कॉलनीतील क्वार्टरमध्ये पोहोचले असता, क्वार्टरला आतून कुलूप होते. सुरक्षा रक्षकाच्या मदतीने मुख्य दरवाजा ढकलला असता, दरवाजा उघडताच एकनाथ दुसऱ्या खोलीत लटकलेल्या अवस्थेत आढळून आला. मृतदेहाची स्थिती पाहता एकनाथने 17 सप्टेंबर रोजी दुपारी गळफास घेऊन आत्महत्या केली असावी, असा अंदाज व्यक्त केला जात आहे.
मृतक एकनाथची पत्नी आपल्या दोन मुलांसह नागपुर येथे राहते. ती 16 सप्टेंबर रोजी दुपारी पतीला भेटण्यासाठी बल्लारपूर येथे आली आणि 17 सप्टेंबर रोजी पुन्हा नागपूरला गेली. आत्महत्ये मागील कारणे काय असू शकतात हा तपासाचा विषय आहे. पेपर मिल व्यवस्थापनाने या घटनेची माहिती बल्लारपूर पोलिसांना दिली आहे. त्यानंतर पोलीस घटनास्थळी दाखल झाली. आणि मृतदेहाचा पंचनामा करून मृतदेह शवविच्छेदनासाठी रुग्णालयात पाठवला. पुढील तपास बल्लारपूरचे पोलीस निरीक्षक सुनील गाडे यांच्या मार्गदर्शनाखाली बल्लारपूर पोलीस करीत आहेत.
