अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर ४ ऑक्टो:- सावनेर येथे राष्ट्रपिता महात्मा गांधी जयंती निमित्त दांडी यात्रा काढण्यात आली. गांधी चौकात पोहोचल्या नंतर गांधीजीच्या पुतळ्याला माल्यार्पण करीत महात्मा गांधी अमर रहे चे नारे लावीत विनम्र अभिवादन करण्यात आले.
या कार्यक्रमाचे अध्यक्ष शालिकराम घोडमारे तसेच प्रमुख पाहुणे म्हणून अशोक उमाटे अध्यक्ष जगनाडे पतसंस्था सावनेर हे उपस्थित होते. यावेळी महात्मा गांधी समितीचे अध्यक्ष गोपाल घटे यांनी मोहनदास करमचंद गांधी यांच्या सत्य व अहिंसेच्या मार्गाने मिळवून दिलेले स्वातंत्र्य प्रत्येक भारतीयांसाठी मोलाचे असल्याचे सांगितले. तर कार्यक्रमाचे अध्यक्ष शालिकराम घोडमारे यांनी भारतात नव्हे तर इंग्लंड मधील लोकसुद्धा गांधीजींना देव माणूस समजतात असे विचार मांडले. यावेळी सावनेर येथील महात्मा गांधी समितीचे अनेक सदस्य व कार्यकर्ते तसेच सावनेर येथील नागरिक उपस्थित होते.
