प्रा. विलास डोईफोडे राह. सावनेर, जि. नागपूर
मतदान करा रे
या बांधवांनो मतदान करा रे, लोकशाही साठी अपुल्या, सोहळा हा संधीचा सोहळा.
सर्व दिशांनी येईल आता प्रलोभनाला पूर,
अशा अवेळी जाऊ नका रे इमानापासून दूर,
अवती भवती फिरूदे सारे, निष्ठा मनी ठेविल्या.
लोकशाही साठी अपुल्या…
सारे पक्ष करतील आता आश्वासनांचा मारा,
कातरवेळी गोंधळू नका रे, नका देऊस थारा,
निर्भय होऊनी, अंतर्मनाच्या ज्योती पेटविल्या.
लोकशाही साठी अपुल्या…
पेव फुटतील अफवांचे, नका जावू याला शरण,
गुंगी, संमोहन दूर सारिशी,यातच शहाणपण,
विवेकाला ठेवा जागे,नका होऊ कळसूत्री बाहुल्या, लोकशाही साठी अपुल्या…
धर्माच्या आड विणतील जाळे तुमच्या भोवताल,
अडकू नका, राहा सतर्क, करा विचार सखोल,
बंधुभावाची बांधून गाठ, जातीपातीच्या भिंती पाडल्या. लोकशाही साठी अपुल्या…
या बांधवांनो मतदान करा रे
संकलन अनिल अडकिने नागपुर जिल्हा प्रतिनिधी मो. नं. ९८२२७२४१३६
