रवींद्र भदर्गे, जालना जिल्हा प्रतिनिधी
महाराष्ट्र संदेश न्युज ! ऑनलाईन जालना:- जालना येथून एक संतापजनक घटना समोर आली आहे. येथील रेल्वे स्टेशन परिसरात एका नराधमाने धमकी देत होणाऱ्या नवऱ्या समोर त्याच्याच पत्नीवर अत्याचार केल्याच्या घटनेने संपूर्ण गावात खळबळ माजली आहे. त्यामुळे राज्यात आणि जिल्हात महिला आणि मुलींच्या सुरक्षेचा मुद्दा पुन्हा ऐरणीवर आला आहे.
दिनांक 25 डिसेंबर बुधवारी रात्री 9.00 वाजताच्या सुमारास दोघे होणारे भावी पती – पत्नी चालत जात होते. या सुमारास अंधारातून आलेल्या नराधम आरोपीने या दोघांना थांबवलं आणि दोघांना दमदाटी करत धमकी दिली यानंतर आरोपीने पीडित तरुणीला भुयारी पुलाजवळ असलेल्या काळोख अंधारात नेऊन तिच्यावर लैंगिक अत्याचार केला.
नेमकं काय हे प्रकरण?: 25 डिसेंबर रोजी रात्रीच्या सुमारास होणारा भावी पती जालना रेल्वे स्थानक परिसरात थांबला होता. यावेळी त्याची होणारी पत्नी टिफीन देण्यासाठी तिथे आली होती. रात्री 9.00 वाजताच्या सुमारास दोघंही पायी चालत घरी परत जात होते. यावेळी तरुणीच्या ओळखीचा प्रेम रवी पाचगे त्याठिकाणी आला. त्याने जोडप्याला अडवलं. मला तुझ्याशी बोलायचं आहे, असं म्हणत तरुणीचा हात धरून तिला अंधारात घेऊन गेला. तसेच जागेवरून हलला तर जीवे मारेन, अशी धमकी आरोपीनं होणाऱ्या भावी पतीला दिली.
यानंतर आरोपीनं पीडित तरुणीला भुयारी पुलाजवळ असलेल्या नाल्यात घेऊन जात तिच्यावर लैंगिक अत्याचार केला. अत्याचारानंतर आरोपी घटनास्थळावरून पळून गेला. आरोपीच्या तावडीतून सुटका झाल्यानंतर या दोघां पती पत्नी यांनी जालना पोलीस स्टेशन मध्ये धाव घेतली. पोलिसांना घटनेची माहिती मिळताच पोलीस निरीक्षक सिद्धार्थ माने घटनास्थळी दाखल झाले आणि तपासाची चक्र फिरवली.
बुधवारी रात्री 9.00 वाजता ही घटना घडल्यानंतर कदीम जालना पोलिसांनी अवघ्या चार तासांत नराधम आरोपीच्या मुसक्या आवळल्या आहेत. तसेच पीडित तरुणीची वैद्यकीय चाचणी करण्यात आली आहे. पोलिसांनी आरोपीला न्यायालयात हजर केलं असता, न्यायालयाने आरोपीला 29 डिसेंबरपर्यत पोलीस कोठडी सुनावली आहे. या घटनेचा अधिक तपास पोलीस करत आहेत.
