रवींद्र भदर्गे जालना जिल्हा प्रतिनिधी
महाराष्ट्र संदेश न्युज ! ऑनलाईन जालना:- येथून एक मन हेलावणारी घटना समोर आली आहे. येथे क्रिकेट स्पर्धेदरम्यान 32 वर्षीय क्रिकेट खेळाडूचा ह्रदयविकाराचा झटका आल्याने त्याचा जागीच मृत्यू झाल्याच्या घटनेने खळबळ उडाली आहे. विजय पटेल असे या खेळाडूचे नाव आहे. तो मुंबई येथील नालासोपारा येथील रहवासी होता.
32 वर्षीय तरुण विजय पटेल हा खेळपट्टीवर फलंदाजी करत होता. फलंदाजीसाठी ट्रान्स घ्यायला निघाला तेव्हा तो खेळपट्टीवर स्टम्पच्या जवळच अचानक कोसळला. बघताक्षणी मैदानावरील इतर खेळाडू त्याच्याकडे धावले, मात्र तोपर्यंत विलंब झाला होता व या खेळाडूचा दुर्दैवी अंत झाला होता.
मृतक विजय पटेल हा मुंबईजवळच्या नालासोपारा येथील आहे. जालना शहरातील फ्रेझर बॉईज मैदानावर नाताळ निमित्त क्रिकेट स्पर्धेचे आयोजन करण्यात आलं होतं. या सामन्यांमध्ये खेळत असताना विजयचा हार्ट अटॅकने जागीच मृत्यू झाला.
विजय मैदानावर कोसळल्या नंतर आयोजकांनी त्याला जवळच्या दवाखान्यात नेले. मात्र डॉक्टरांनी त्याला तपासून मृत घोषित केलं. त्याच्या अचानक झालेल्या मृत्यूने सर्वांनाच धक्का बसला आहे. विशेष म्हणजे मैदानावर सिक्सर मारल्यानंतर सहकारी मित्रासोबत तो चर्चा करत होता. मात्र, त्यानंतर स्ट्राईक घेण्यासाठी जात असतानाच तो मध्येच कोसळला व त्यातच त्याचा मृत्यू झाला.