अकोला जिल्हा प्रतिनिधी
महाराष्ट्र संदेश न्युज ! ऑनलाईन अकोला:- शहरातील वाशिम बायपास रोड ते किल्ला चौक पर्यंत सिमेंट काँक्रिटीकरणच्या रस्त्याचे काम गेल्या दोन वर्षापासून सुरू असून या रस्त्याच्या मधोमध काही ठिकाणी जसे की भागीरथ वाढी हमजा प्लॉट येथे नाल्यावरील पुलाचे काम अद्याप पर्यंत झाले नाही व त्यामध्ये आता हमजा प्लॉट इथे रस्त्याच्या मधोमध मोठ्या प्रमाणात नाला महानगरपालिकेच्या कर्मचाऱ्यांनी खोदून ठेवलेला आहे हा नाला त्वरित बुजून नालावरील पुलाचे काम त्वरित करण्यात यावे अशी मागणी सामाजिक कार्यकर्ते उमेश इंगळे यांनी महानगरपालिका उपायुक्त गिता ठाकरे यांना दिलेल्या निवेदनाद्वारे केली आहे.
यावेळी सामाजिक कार्यकर्ते उमेश इंगळे यांनी महानगरपालिका उपायुक्त गिता ठाकरे यांना सांगितले की, या खोदून ठेवलेल्या नाल्यामुळे नागरिकांना ये जा करण्यासाठी खूप मोठी अडचण निर्माण होत असून अपघात होण्याची दाट शक्यता आहे त्यामुळे हा नाला ताबडतोब बुजून यावरील पुलाचे काम लवकरात लवकर करून नागरिकांसाठी ये जा करण्यासाठी रस्ता खुला करून देण्यात यावा अन्यथा तीव्र आंदोलन छेढण्यात येईल याची नोंद घ्यावी. अशा इशारा यावेळी देण्यात आला. यावेळी सामाजिक कार्यकर्ते सतिश तेलगोटे प्रामुख्याने उपस्थित होते.
