आसमा सय्यद पुणे जिल्हा प्रतिनिधी
महाराष्ट्र संदेश न्युज ! ऑनलाईन पुणे:- पुण्यातील पिंपरी चिंचवड येथील रावेत परिसरातून एक संतापजनक घटना समोर आली आहे. येथे एका 17 वर्षीय अल्पवयीन तरुणीवर 3 नराधम आरोपिने दारू पिऊन बलात्कार केल्याची घटना घडली. खळबळजनक बाबत म्हणजे या तिन्ही आरोपींनी ट्रूथ अँड डेअर गेम खेळत या तरुणीवर अल्पवयीन अत्याचार केला.
अशी आली घटना उघतीस: 17 वर्षीय अल्पवयीन पीडितेवर हे तिघे अत्याचार करत असताना अचानक पीडितेच्या मोबाईल वरून नातेवाईकांना फोन लागला, त्यानंतर हा प्रकार उघडकीस आला आहे. या प्रकरणी पोलिसांनी तीन नराधम आरोपींना बेड्या ठोकल्या केली आहे. आयुष आनंद भोईटे, सुशील बालद्र ठाकूर आणि रीतिक संजय सिंग असे आरोपींची नावे आहेत.
काय आहे ही घटना: पीडितेची व आरोपी हे एकमेकांच्या थेट ओळखीचे नव्हते. पीडित तरुणीची इन्स्टाग्रामवर एका रीलस्टार तरुणीशी ओळख झाली होती. ही घटना घडली तेव्हा ती या तरुणीला भेटायला आली होती. यावेळी पीडित ही तिच्या रुमवर थांबली होती. रीलस्टार मैत्रीण ही तिच्या तीन मित्रांसमोर रावेत परिसरात एका पार्टीला गेले होते. तेथून ते दारू पिऊन आले होते. रीलस्टार मैत्रीनीने पीडित मुलीला फोन करत पार्टीला बोलावले. दरम्यान, आरोपी हे पीडित तरुणीच्या पेईंग गेस्ट रूमवर गेले. व तिला ते पार्टीला घेऊन आले. यानंतर ते एकाच्या फ्लॅटवर गेले. दारूच्या नशेत त्यांनी ट्रूथ अँड डेअर गेम खेळने सुरू केले. या खेळा दरम्यान, आरोपींनी रीलस्टार मैत्रिणीवर अत्याचार करण्याचा प्रयत्न केला त्यानंतर त्यांनी पीडित तरुणीवर फ्लॅटमधील स्वच्छतागृहात बलात्कार केला.
नराधम आरोपी पीडित तरुणीवर अत्याचार करत असतांना तिच्या मोबाईल फोन मधून अचानक तिच्या नातेवाईकांना फोन लागला. फोन सुरू असल्याचं पीडित मुलगी व आरोपींच्या लक्षात आले नाही. पीडित तरुणीच्या नातेवाईकांनी फोनवरून हा सगळा प्रकार ऐकला. याची माहिती त्यांनी लगेच तिच्या आईला दिली. मुलीवर अत्याचार झाल्याचं समजल्यानंतर पीडितेच्या आई वडिल हे पहाटे पिंपरी चिंचवडमध्ये आले. या प्रकरणी त्यांनी रावेत पोलीस तक्रार दिली आहे.
त्यानुसार आरोपी आयुष आनंद भोईटे, सुशील बालद्र ठाकूर व रीतिक संजय सिंग यांना ताब्यात घेतलं असून पीडित मुलीच्या रीलस्टार मैत्रिणीलाही चौकशीसाठी ताब्यात घेण्यात आले आहे. पीडित तरुणीला आरोपींची नावे व अत्याचार झालेले ठिकाण याची माहिती नव्हती. पोलिसांनी तांत्रिक विश्लेषण करून आरोपींचा शोध घेत त्यांना अटक केली.
