वर्धा जिल्हा प्रतिनिधी
वर्धा:- स्थानिक महाबोधी बुद्ध विहार सानेवाडी येथे दिनांक २४/०७/२०२२ रविवारला समता सैनिक दल वर्धा जिल्हा युनिटच्या वतीने ‘Reconstruction of the World’अंतर्गत ‘वर्षावास धम्मप्रवचन मालिका २०२२’ चे तिसरे पुष्प गुंफण्यात आले.
या कार्यक्रमाला अध्यक्ष म्हणून समता सैनिक दल वर्धा जिल्हा संघटक तथा विदर्भ विशेष प्रचारक मार्शल अभय कुंभारे सर हे उपस्थित होते तर प्रमुख मार्गदर्शक म्हणून पूज्य भन्ते चित्तज्योती, भन्ते प्रज्ञानदर्शी, समता सैनिक दल तालुका संघटक मनोज थुल सर यांची प्रामुख्याने उपस्थिती होती.
कार्यक्रमाची सुरुवात बुद्ध वंदनेने करण्यात आली. “राजा प्रसेनजिताची बुद्ध धम्मातील वाटचाल” या विषयावर पुज्य भन्ते चित्तज्योती यांनी धम्मदेसना देऊन उपस्थितांना मार्गदर्शन केले. जिल्हा संघटक अभय कुंभारे यांनी उपस्थितांना विषयानुरूप मार्गदर्शन केले तसेच तालुका संघटक मनोज थुल सर यांनीसुद्धा उपस्थित उपासक- उपासिकांना मार्गदर्शन केले. या कार्यक्रमाचे सुत्रसंचालन सानेवाडी शाखा संघटिका सुमनताई बागडे यांनी केले तर उपस्थितांचे आभार अर्चनाताई डबले ह्यांनी मानले.कार्यक्रमाची सांगता समापन गाथेने करण्यात आली.
या कार्यक्रमाला चंदाताई शंभरकर,बेबीताई तामगाडगे, यशोधरा कांबळे, वर्षा मून, कमलाताई भोंगाडे, शांता मेश्राम, चंदाताई कुलकर्णी, माया कुलकर्णी, लक्ष्मी खैरकर, जुमोरेताई, मेंढेताई, तामगाडगे ताई, खैरकरताई, बेबीताई गायकवाड आदी पदाधिकारी व नागरिक बहुसंख्येने उपस्थित होते.
