पंकेश जाधव पुणे ब्यूरो चीफ
सामाजिक सुरक्षा विभाग, गुन्हे शाखा, पुणे शहर
पुणे : दि. १८.११.२०२२ रोजी कोरेगांवपार्क परीसरात मोठ्या आवाजात सांउड सिस्टिम सुरू असलेबाबत सामाजिक सुरक्षा विभाग गुन्हे शाखेकडील अधिकारी व पोलीस अमलदार यांना माहिती मिळाली.त्यांनंतर सदर ठिकाणी खात्री केली असता कोरा कॉकटेल बार अॅण्ड किचन हॉटेल कोरेगांवपार्क, पुणे या हॉटेल मध्ये मोठ्या आवाजात संगित सुरू असल्याचे आढळल्याने
सदर हॉटेलवर कारवाई करून ०१,८०,०००/- रू. चे (एक लाख ऐंशी हजार ) किंमतीचे सांउड सिस्टिम जप्त करण्यात आले असुन पर्यावरण संरक्षण कायदा १९८६ अंतर्गत ध्वनी प्रदुषण (विनियमन व नियंत्रण सन २००० ) अधिनियम अन्वये कारवाई करण्यात आली आहे.
तसेच यापुढेही सदर अशा प्रकारच्या कारवाई करण्यात येणार आहेत. सदर ठिकाणी ध्वनीप्रदुषण व पर्यावरण संरक्षण कायद्या अन्वये ध्वनीप्रदुषण नियमावली नुसार कारवाई करणेकामी मुद्देमाल (साऊंड सिस्टीम) कोरेगांवपार्क पोलीस स्टेशनच्या ताब्यात दिला आहे.
सदरची कारवाई श्री. अमिताभ गुप्ता पोलीस आयुक्त, पुणे शहर, श्री. संदिप कर्णिक, पोलीस सह आयुक्त, पुणे शहर, श्री रामनाथ पोकळे, अपर पोलीस आयुक्त, गुन्हे, पुणे, श्री. अमोल झेंडे पोलीस उप आयुक्त गुन्हे यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक विजय कुंभार तसेच सपोनि अश्विनी पाटील, पोलीस अंमलदार अजय राणे, मनिषा पुकाळे, प्रमोद मोहिते, हणमंत कांबळे, पुष्पेंद्र चव्हाण या पथकाने यशस्वी केली आहे.
