पंकेश जाधव पुणे ब्यूरो चीफ
गुन्हे शाखा युनिट-०४, पुणे शहर
पुणे : युनिट-४ कडील पोलीस अधिकारी व स्टाफ हे खडकी पोलीस ठाणे हद्दीत दिनांक १८/११/२०२२ रोजी पेट्रोलींग करीत असताना, पोलीस हवालदार यांना त्यांचे बातमीदारा मार्फत बातमी मिळाली की कटलेट अरबाज सागर, अरबाज शाह, यश कांबळे यांच्याकडे चोरीची रिक्षा व हॉन्डा अॅक्टीव्हा आहे. त्यांनी ८ ते १० दिवसांपुर्वी पानटप-या आणि दुकाने फोडली आहेत. त्यातुन मिळालेल्या पैशातुन ते हौस मौज करीत आहेत. आता ते बोपोडी पुलाजवळ रिक्षा क एमएच/१४/जीसी/६०७४ मध्ये बसलेले आहेत.
सदरची माहितीचे अनुशंगाने बातमीतील वर्णनाची रिक्षा बोपोडी पुलाखाली उभी असल्याची दिसल्याने सदर पथकातील पोलीसांनी रिक्षास घेराव घालून आरोपी नामे १ अरबाज हकीम शाह, वय- २४ वर्षे, रा. मुळ- खडकी बाजार, पुणे सध्या रा. गल्ली नं.५. इब्राहीम टॉवर, जुनेरी चौक, कोंढवा, पुणे २. यश धर्मेश कांबळे, वय- १९ वर्षे, रा. लिंबोणी कुंच, धोबी घाट, खडकी बाजार, खडकी, पुणे तसेच त्यांचे दोन साथीदार विधीसंघर्षीत बालके यांच्यासह पकडले. त्यांचे ताब्यातून रिक्षा क्र. एमएच १४ जी सी /६०५४ ही ५०,०००/- रु. कि.ची एच.पी. कंपनीचा प्रिंटर १५,०००/- रु. कि.चा, होन्डा अॅक्टीव्हा स्कुटर क्रमांक एमएच / १२ / एनजी/४७५३ ५०,०००/- रू कि. चा मुद्देमाल जप्त करण्यात आलेला आहे. ताब्यातील संशयितांकडे अधिक तपास करता त्यांनी त्यांचे ताब्यातील हॉन्डा अॅक्टीव्हा भवानी पेठ येथुन चोरली असले बाबत सांगीतले.
नमुद आरोपीतांनी चोरलेल्या रिक्षाबाबत पिंपरी पोलीस ठाणे गु.र.नं. ९८८ / २०२२, भा.द.वि कलम ३७९ प्रमाणे गुन्हा दाखल आहे. पानटपरी, दुकानांबाबत देहुरोड पोलीस ठाणे येथे गु.र.नं. ६८०/२०२२.भा.द.वि.कलम ४५४, ४५७, ३८०, ४२७,३४ प्रमाणे गुन्हा दाखल आहे. तसेच मेडीकल स्टोअर्स बाबत देहुरोड पोलीस ठाणे पुणे येथे गु.र.नं. ६७७ /२०२२ भा.द.वि. कलम ४५४, ४५७, ३८० प्रमाणे गुन्हा दाखल आहेत. नमुद संशयितांना पुढील कारवाई करीता देहुरोड पोलीस ठाणेचे ताब्यात देण्यात आलेले आहे.
सदरची उल्लेखनीय कामगिरी ही पोलीस आयुक्त श्री अमिताभ गुप्ता, पोलीस सह आयुक्त. श्री. संदीप कर्णीक, अपर पोलीस आयुक्त, गुन्हे श्री रामनाथ पोकळे, पोलीस उप-आयुक्त, गुन्हे, श्री. अमोल झेंडे, सहायक पोलीस आयुक्त, गुन्हे – २, श्री. नारायण शिरगावकर यांचे मार्गदर्शना खाली पोलीस निरीक्षक.. श्री. गणेश माने, पोलीस उप-निरीक्षक जयदीप पाटील, सहा फौजदार, महेंद्र पवार, पोलीस अंमलदार, नागेशसिंग कुँवर, रमेश राठोड, अशोक शेलार, प्रविण भालचीम, वैशाली माकडी शितल शिंदे यांनी केली आहे.
