पंकेश जाधव पुणे ब्यूरो चीफ
सामाजिक सुरक्षा विभाग गुन्हे शाखा, पुणे शहर
पुणे :- दि.०७.१२.२०२२ रोजी स्पंदन स्पा, बालेवाडी रोड, बाणेर, पुणे येथे मसाज सेंटरच्या नावाखाली वेश्याव्यवसाय चालत असले बाबत गोपनीय माहिती प्राप्त झालेने सदर ठिकाणी सामाजिक सुरक्षा विभाग गुन्हे शाखेकडील अधिकारी व पोलीस अमंलदार यांनी मसाज सेंटर मध्ये स्पा मसाजच्या नावाखाली वेश्या व्यवसाय चालु असल्याचे आढळुन आल्याने तात्काळ छापा कारवाई करून सदर ठिकाणावरून एकुण ०४ पिडीत महिलांची सुटका करण्यात आली आहे.
सदर स्पा मालका विरुध्द चतुःश्रृंगी पोलीस स्टेशन येथे गुरनं ५५२ / २०२२ भादवि ३७०,३४ (सह अनैतिक मानवी वाहतुक प्रतिबंधक अधिनियम कायदा कलम ३४.५ अन्वये गुन्हा नोंद करण्यात आला असुन आरोपी स्पा मालक व पिडीत महिलांना पुढील कारवाई करीता चतुःश्रृंगी पोलीस स्टेशनच्या ताब्यात देण्यात आले आहे.
सदरची कारवाई श्री. अमिताभ गुप्ता मा. पोलीस आयुक्त, पुणे शहर, श्री. संदिप कर्णिक, मा. पोलीस सह आयुक्त, पुणे शहर, श्री रामनाथ पोकळे, मा. अपर पोलीस आयुक्त, गुन्हे, पुणे, श्री. अमोल झेंडे मा. पोलीस उप आयुक्त गुन्हे, यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक, विजय कुमार तसेच सपोनि अश्विनी पाटील, सपोनि अनिकेत पोटे, पोलीस अमलदार अजय राणे, आण्णा माने, प्रमोद मोहिते, संदीप कोळगे, पुष्पेंद्र चव्हाण, अमित जमदाडे या पथकाने यशस्वी केली आहे.
