संतोष मेश्राम, चंद्रपूर ग्रामीण जिल्हा प्रतिनिधी
महाराष्ट्र संदेश न्युज ! ऑनलाईन राजुरा:- इन्फंट जीजस सोसायटी राजुरा द्वारा संचालित इन्फंट जीजस इंग्लिश पब्लिक हायस्कूल राजुरा येथे इयत्ता दहावी च्या विद्यार्थ्यांसाठी इयत्ता नववी च्या विद्यार्थ्यांच्या वतीने निरोप समारंभाचे आयोजन करण्यात आले. कार्यक्रमाचे अध्यक्ष संस्थाध्यक्ष लोकप्रिय आमदार सुभाष धोटे होते तर प्रमुख अतिथी म्हणून संचालक अभिजित धोटे, कल्याण नर्सिंग काॅलेजच्या प्राचार्या पुजा गिते, शाळेचे मुख्याध्यापिका सिमरन कौर भंगू, मुख्याध्यापक रफिक अन्सारी उपस्थित होते.
या प्रसंगी इयत्ता नववी च्या विद्यार्थ्यांनी गीत, संगीत, नृत्य सादर करून तसेच दहावीच्या प्रत्येक विद्यार्थ्यांना भेट वस्तू, पुष्प देऊन गौरव केला. आपल्या मनोगतातून विद्यार्थी, शिक्षकांनी आपल्या भावना व्यक्त केल्या.
यावेळी संस्थेचे अध्यक्ष आमदार सुभाष धोटे आणि संचालक अभिजित धोटे यांनी इयत्ता दहावी च्या विद्यार्थ्यांना येणाऱ्या परिक्षा व यशस्वी आयुष्यासाठी शुभेच्छा दिल्या. तसेच कठोर परिश्रम, जिद्द, चिकाटीने शैक्षणिक गुणवत्ता प्राप्त करून आपले ध्येय साकार करा असा संदेश दिला. कार्यक्रम यशस्वी करण्यासाठी सर्व शिक्षक, शिक्षकेतर कर्मचारी आणि विद्यार्थ्यांनी परिश्रम घेतले.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
