नितीन शिंदे, मुंबई महानगर प्रतिनिधी
महाराष्ट्र संदेश न्युज ! ऑनलाईन ठाणे:- मुख्यमंत्री एकनाथ संभाजी शिंदे यांच्या हस्ते कल्याण- डोंबिवली महापालिकेच्या विविध उपक्रमांचे लोकार्पण करण्यात आले. केंद्रीय राज्यमंत्री कपिल पाटील, खासदार डॉ. श्रीकांत शिंदे आमदार ज्ञानेश्वर म्हात्रे, गणपत गायकवाड, विश्वनाथ भोईर आदी उपस्थित होते.
कल्याण हे ऐतिहासिक शहर आहे. या शहराशी जिव्हाळ्याचे नाते आहे. या शहरासाठी कुठलाही निधी कमी पडू देणार नाही. कल्याण पश्चिम व कल्याण पूर्वेमध्ये दोन सुपर स्पेशलिटी हॉस्पिटल उभारावे, यासाठी नगर विकास विभागाच्या व शासनाच्या माध्यमातून सर्वतोपरी मदत करू. तसेच कल्याणकरांची मेट्रोची मागणी आहे. ही मागणी लक्षात घेऊन मेट्रो१२ चा आराखडा तयार करण्याच्या सूचना देण्यात आल्याचे मुख्यमंत्री एकनाथ शिंदे यांनी यावेळी सांगितले.
कल्याण डोंबिवली महानगरपालिकेच्या प्रबोधनकार ठाकरे सरोवर (शेनाळे तलाव) सुशोभिकरण, मलशुद्धीकरण केंद्र आंबिवली, मलशुध्दीकरण केंद्र वाडेघर व बीएसयुपी अंतर्गत बांधलेल्या सदनिकांचे प्रकल्प बाधितांना वाटप आदी विविध उपक्रमांचे लोकार्पण आज मुख्यमंत्री एकनाथ शिंदे यांच्या हस्ते आज करण्यात आले. मुख्यमंत्र्यांच्या हस्ते दिव्यांग बांधवांना व्हीलचेअरचे वाटप करण्यात आले.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
