नितीन शिंदे, मुंबई महानगर प्रतीनिधी
महाराष्ट्र संदेश न्युज ! ऑनलाईन मुंबई:- झारखंडचे राज्यपाल रमेश बैस यांनी राजभवन मुंबई येथे महाराष्ट्राचे 20 वे राज्यपाल म्हणून शपथ घेतली. मुंबई उच्च न्यायालयाचे कार्यवाहक मुख्य न्यायाधीश न्यायमूर्ती संजय गंगापूरवाला यांनी राज्यपाल रमेश बैस यांना पदाची शपथ दिली. राज्यपालांनी आपली शपथ मराठीतून वाचून दाखवली.
शपथविधी समारंभानंतर महाराष्ट्राचे मुख्यमंत्री एकनाथ शिंदे यांनी पुष्पगुच्छ देऊन राज्यपालांचे अभिनंदन केले. राज्याचे मुख्य सचिव मनुकुमार श्रीवास्तव यांनी रमेश बैस यांची महाराष्ट्राच्या राज्यपालपदी नियुक्ती करताना राष्ट्रपती द्रौपदी मुर्मू यांनी जारी केलेले नियुक्तीचे वॉरंट वाचून दाखवले.
शपथविधी समारंभानंतर लगेचच भारतीय नौदलाकडून राज्यपालांना गार्ड ऑफ ऑनर प्रदान करण्यात आला. यावेळी श्रीमती रामबाई बैस, केंद्रीय राज्यमंत्री रामदास आठवले, पर्यटन मंत्री मंगल प्रभात लोढा, महाराष्ट्र विधानसभेचे अध्यक्ष राहुल नार्वेकर, लोकप्रतिनिधी, अधिकारी व निमंत्रित उपस्थित होते.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
