✒️ नितीन शिंदे, मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- येथील नॅशनल स्टॉक एक्सचेंज या ऐतिहासिक वास्तूमध्ये आयोजित करण्यात आलेल्या दसीएसआर जर्नल एक्सलन्स अवॉर्ड्स या पुरस्कार सोहळ्यात राज्याचे मुख्मंमत्री हे उपस्थित राहून होऊन विविध कंपन्यांच्या मान्यवरांसमोर माझे मनोगत मांडले. या कार्यक्रमात सामाजिक कार्यासाठी देण्यात येणारा सोशलचेंजपुरस्कार खासदार डॉ.श्रीकांत शिंदे यांना तसेच सामाजिक क्षेत्रात स्वतःला झोकून देत आजही हिरिरीने कार्यरत असणाऱ्या डॉ. अभय बंग, डॉ. राणी बंग यांना जीवनगौरव पुरस्कार देऊन आणि सामाजिक क्षेत्रात उत्तम कामगिरी बजावणाऱ्या अनेक मान्यवरांना विविध विभागांमध्ये पुरस्कार देऊन सन्मानित करण्यात आले.
मला काय मिळेल याची अपेक्षा न ठेवता निःस्वार्थ भावनेने देशातील तसेच महाराष्ट्रातील अनेक कंपन्या आणि संस्था विविध सामजिक क्षेत्रात उल्लेखनीय काम करत आहेत. सेवाभाव जपत समाज आणि राष्ट्रहिताला प्राधान्य देऊन काम करणाऱ्या कंपन्या आणि संस्था या निश्चितच कौतुकास पात्र आहेत. समाजाच्या प्रत्येक घटकाला विकासाच्या मुख्य प्रवाहात आणण्या साठी येत्या काळात आपण सर्वजण सामाजिक जबाबदारी ओळखून काम करत रहाल असा आशावादही यासमयी बोलताना व्यक्त केला. असे याप्रसंगी बोलताना मुख्यमंत्री एकनाथ शिंदे यांनी सांगितले.
समाजाच्या विकासासाठी विविध कॉर्पोरेट कंपन्यांचे सामाजिक दायित्व अधिक महत्वाचे आहे. काही कॉर्पोरेट कंपन्या दुर्गम भागात शासन पोचण्यापूर्वीच तिथे पोहोचून लोकोपयोगी काम करत आहेत. त्याचप्रमाणे अनेक संस्था देखील स्वखुशीने अधिक योगदान देतात. समाजाच्या विकासासाठी कॉर्पोरेट क्षेत्र सामाजिक दायित्व जपणे अधिक महत्वाचे मानते. दुसऱ्यांचे दुःख स्वतःचे मानून काम करणे हे फार महत्त्वाचे असते, तरच सामाजिक क्षेत्रात चांगले काम होऊ शकते असे यावेळी बोलताना एकनाथ शिंदे यांनी स्पष्ट केले.
‘द सीएसआर जर्नल एक्सलन्स अवॉर्ड’ या पुरस्कार सोहळ्याचे यंदाचे हे पाचवे वर्षे आहे. ‘द सीएसआर जर्नल एक्सलन्स अवॉर्ड्स’ पुरस्काराच्या माध्यमातून नवउद्यमींना प्रोत्साहन तसेच त्यांना नव्या कामासाठी उत्तेजन देण्याचे काम केले जाते. शिक्षण आणि कौशल्य प्रशिक्षण, महिला सक्षमीकरण आणि बाल कल्याण, पर्यावरण, कृषी आणि ग्रामीण विकास आणि आरोग्य आणि स्वच्छता अशा पाच श्रेणींकरिता हे पुरस्कार देण्यात आले. यावेळी या सर्व पुरस्कार विजेत्या कंपन्या आणि संस्थांचे मनापासून अभिनंदन केले.
या कार्यक्रमाला ज्येष्ठ सामाजिक कार्यकर्ते डॉ.अभय बंग, डॉ. राणी बंग, खासदार डॉ.श्रीकांत शिंदे, द सीएसआर जनरल एक्सलन्सचे अमित उपाध्याय, नॅशनल स्टॉक एक्सचेंजचे आशिष चौहान आणि विविध कंपन्यांचे प्रतिनिधी उपस्थित होते.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
