डॅनिएल ॲन्थोनी, पिंपरी चिंचवड प्रतिनिधी
महाराष्ट्र संदेश न्युज ! ऑनलाईन पिंपरी:- एका व्यापाऱ्याला लुटमार करून त्याच्याकडील 20 लाख रुपये लुटणाऱ्या एका चोरट्याला देहू रोड पोलिसांनी नुकतीच अटक केली. आहे त्याच्या कडून एक् तलवार, आणि कोयता अशी हत्यारे पोलिसांनी जप्त केली आहेत. ही घटना दोन वर्षांपूर्वी दौंड येथे घडली होती. विशेष बाब म्हणजे हा चोरटा दोन वर्षापासून पोलिसांना गुंगारा देत होता. ऋषिकेश उर्फ शेऱ्या राजू अडागळे असे अटक केलेल्या आरोपीचे नाव आहे.
पोलिसांनी दिलेल्या माहितीनुसार मागील काही दिवसापासून देहूरोड पोलीस ठाण्याच्या परिसरात वारंवार घर फोड्या, जबरी चोरी, वाहन चोरी, सायकल चोरी अशा घटना घडत होत्या. या घटनेच्या अनुषंगाने पोलीस आयुक्त विनयकुमार चोबे यांच्या सूचनानुसार देहूरोड पोलीस ठाण्याच्या वरिष्ठ पोलीस निरीक्षक वर्षाराणी पाटील यांनी पोलीस स्टेशन हद्दीतील रेकॉर्डवरील गुन्हेगार तपासणी, जबरी चोरी, वाहन चोरी, सायकल चोरी तसेच क्राईम मॅपिंग नुसार चैन स्कॅचिंग स्पॉटवर पेट्रोलिंग करण्याचे आदेश तपास पथकाला दिले.
देहूरोड पोलीस ठाण्यातील अधिकारी व अंमलदार हे त्या अनुषंगाने तपास करीत असताना पोलीस शिपाई सचिन शेजाळ यांना माहिती मिळाली की एक संशयित इसम साईनगर येथील पाण्याच्या टाकीच्या इथे उभा आहे आणि तो हातामध्ये तलवार घेऊन फिरत आहे. मिळालेली माहिती पोलीस शिपाई शेजाळ यांनी सहाय्यक पोलीस निरीक्षक दिगंबर अतिग्रे यांना कळवली. सहाय्यक पोलीस निरीक्षक अतिग्रे यांनी ही माहिती वरिष्ठ पोलीस निरीक्षक वर्षाराणी पाटील यांना देऊन पुढील तपास सुरू केला.
सहाय्य पोलीस निरीक्षक अतिग्रे यांनी आरोपीला पकडण्यासाठी तपास पथकातील दोन पथके तयार करून त्याना योग्य त्या सूचना देण्यात आल्या. मिळालेल्या माहितीच्या अनुषंगाने तयार पथकाने साईनगर पाण्याच्या टाकीच्या परिसरात शोध सुरू केला. पोलिसांचा सुगावा लागताच तो इसम पळू लागला. पोलिसांनी पाठलाग करुन त्या इसमाला मोठ्या शिताफीने ताब्यात घेतले .पोलिसांनी नाव पत्ता विचारला असता त्याने त्याचे नाव ऋषिकेश उर्फ शेऱ्या राजू आढागळे असल्याचे सांगितले. पोलिसांनी त्याची अंगझडती घेतली असता त्याच्या हातात एक तलवार आणि पॅन्ट च्या आत कमरेला एक कोयता मिळून आला.
पोलिसांनी ऋषिकेश उर्फ शेऱ्या राजू आढागळे याच्याबाबत अधिक माहिती गोळा केली असता धक्कादायक माहिती समोर आली. आरोपी ऋषिकेश उर्फ शेऱ्या राजू अडागळे यांनी दोन वर्षांपूर्वी दौंड येथील एका व्यापाऱ्याचे 20 लाख रुपये लुटले असल्याचे आणि त्या दिवसापासून फरार असल्याची कबुली पोलिसांना दिली. आरोपी ऋषिकेश उर्फ शेऱ्या राजू आडागळे याच्यावर देहूरोड पोलीस स्टेशन येथे गुन्हा नोंद झाला असून इतर पोलीस स्टेशनमध्ये त्याच्याविरुद्ध दरोडा, जबरी चोरी, जिवे ठार मारण्याचा प्रयत्न अशा प्रकारचे गुन्हे दाखल असल्याचा पोलीस तपासात निष्पन्न झाले आहे.
पिंपरी चिंचवड पोलीस आयुक्त विनायक कुमार चौबे, सह आयुक्त मनोज कुमार लोहिया, अप्पर पोलीस आयुक्त डॉ. संजय शिंदे, पोलीस उपायुक्त डॉ. काकासाहेब डोळे, सहाय्यक पोलीस आयुक्त पद्माकर घनवट ,देहूरोड पोलीस ठाण्याच्या वरिष्ठ पोलीस निरीक्षक वर्षाराणी पाटील यांच्या मार्गदर्शनाखाली सहाय्यक पोलीस निरीक्षक दिगंबर अतिग्रे, सहाय्य पोलीस निरीक्षक योगेश गायकवाड, हवालदार प्रशांत पवार, साहिल प्रकाश, पोलीस नाईक सुनील यादव, पोलीस शिपाई सचिन शेजाळ ,स्वप्नील साबळे, मोशिन अत्तार, किशोर परदेशी यांच्या पथकाने ही कारवाई केली आहे.
