सागर शिंदे, वाशिम उपजिल्हा प्रतिनिधी
महाराष्ट्र संदेश न्युज ! ऑनलाईन वाशिम:- जिल्हातून एक खळबळजनक घटना समोर आली आहे. रिसोड तालुक्यातील घोटा परसरतील एका शेतात अज्ञात व्यक्तीने आग लावल्याची घटना समोर आली आहे. या आगीत शेतात लावलेलं पीक जळून खाक झाले आहे. त्यामुळे शेतकरी चिंताग्रस्त झाला आहे.
आधीच दुष्काळाने होरपळलेल्या रिसोड तालुक्या तील घोटा परिसरात एका शेतकऱ्यावर मोठं संकट कोसळले आहे. शुक्रवारी दुपारी 2 च्या सुमारास अज्ञात व्यक्तीने शेतातील काढणीला आलेल्या हळदीच्या वाळलेल्या पाल्याला आग लावल्याने शेतकऱ्याचं मोठं नुकसान झाले, शेतात असलेली २०० पेरूच्या कलमा, पपई – संत्र्याची झाड, ड्रीप स्पिंकलरचे ३० पाइप जळून खाक झाले असून शेतकऱ्याचे लाखो रुपयाचे नुकसान झाले. बालाजी ज्ञानबा मोरे असे आपत्तीग्रस्त शेतकऱ्याचे नाव असून तळ हाताच्या फोडासारख जपलेल पिक डोळ्यांदेखत पेट घेताना पाहून त्यांनी हळहळ व्यक्त केली आहे.
शेतातील उभ्या शेतातील पिक जळल्याने कुटुंबियांवर आर्थिक संकट कोसळले असून अगोदरच शेतकऱ्यावर संकटाचे ढग घोंगावत असताना मोठा फटका शेतकऱ्यांना सहन करावा लागत आहे.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
