पंकेश जाधव पुणे ब्यूरो चीफ (7020794626)
दत्तवाडी पोलीस स्टेशन पुणे शहर
महाराष्ट्र संदेश न्यूज ! ऑनलाईन पुणे :- वरिष्ठांचे सुचनांनुसार पुणे शहरातील अवैद्य हत्यारे, अग्नीशस्त्रे बाळगणा-यांवर सक्त कारवाई करण्याच्या आदेशानुसार दि. २६/०४/२०२३ रोजी दत्तवाडी पोलीस ठाणेचे तपास पथक दत्तवाडी पोलीस ठाणे हद्दीमध्ये घडणारे गुन्हयांना प्रतिबंध करणेसाठी तसेच शांतता व सुव्यवस्था राखणेकामी पेट्रोलिंग करीत असताना पोलीस अंमलदार अमोल दबड़े व अमित बिव्हे यांना बातमी मिळाली की एक इसम सर्व्हे नं. १३२ येथील महालक्ष्मी बिल्डींगच्या जवळील वसाहतीचे रोडवर येथे थांबला असून, त्याने त्याचे अंगात चॉकलेटी रंगाचा फुल बाहयांचा शर्ट व काळी पॅन्ट घातली असुन त्याच्या कंबरेला पिस्टल आहे अशी खात्रीशीर बातमी मिळाली..
सदरची बातमी ही वरिष्ठ पोलीस निरिक्षक अभय महाजन व पोलीस निरिक्षक, (गुन्हे), विजय खोमणे यांना कळवून त्यांचे आदेशाने पोलीस उपनिरिक्षक चंद्रकांत कामठे यांनी स्टाफसह सदर ठिकाणी जावून सोबतचे स्टाफचे मदतीने सापळा रचुन आरोपी ऊर्फ पॅडी सुरेश म्हस्के, वय १९ वर्षे, रा. राजीव गांधीनगर, सिध्दार्थ कंपनीजवळ, सर्व्हे नं १३२, सिंहगड रोड, पुणे यास ताब्यात घेवुन त्याचेकडुन एक देशी बनावटीचे पिस्टल ३०,०००/-रू किमतीचे जप्त करण्यात आले असून, त्याचेविरुध्द दत्तवाडी पो. स्टे. येथे गु.र.नं. १२०/२०२३, भारताचा हत्याराचा कायदा कलम ३ (२५) मुंबई पोलीस अॅक्ट कलम ३७(१) १३५ प्रमाणे गुन्हा दाखल करणेत आला आहे. सदरचा आरोपी हा दत्तवाडी पोलीस स्टेशनकडील रेकॉर्डवरील गुन्हेगार आहे. आरोपी याने तो पिस्टल केवळ हौसेसाठी जवळ बाळगलेचे तपासात निष्पन्न झाले आहे, सदर पिस्टल त्याला देणा-यांची माहिती पोलीस घेत असून, त्यादृष्टीने पुढील सखोल चौकशी सुरु आहे. गुन्हयांचा पुढील तपास दत्तवाडी पोलीस करीत आहेत…
सदरची कारवाई ही मा. अपर पोलीस आयुक्त, पश्चिम प्रादेशीक विभाग, श्री. प्रविण पाटील, मा.पोलीस उप-आयुक्त, परि ३ श्री. सुहेल शर्मा, मा. राहा. पोलीस आयुक्त, सिंहगड विभाग, श्री. राजेंद्र गलांडे, वरीष्ठ पोलीस निरीक्षक अभय महाजन व पोलीस निरिक्षक (गुन्हे) विजय खोमणे यांचे मार्गदर्शनाखाली तपास पथकातील पोलीस उपनिरीक्षक, चंद्रकांत कामठे, पोलीस अंमलदार, दयानंद तेलंगे-पाटील, अमोल दबडे, अमित विव्हे, अनिस तांबोळी, अमित सुर्वे, प्रकाश मरगजे, किशोर वळे, नवनाथ भोसले, सद्दाम शेख, प्रशांत शिंदे, प्रमोद भोसले, पुरुषोत्तम गुन्ला, ज्ञानेश्वर शिंदे यांनी केली आहे.
