देवेंद्र सिरसाट, हिंगणा (नागपूर) तालुका प्रतिनिधी
महाराष्ट्र संदेश न्युज ! ऑनलाईन नागपुर:- जिल्हातील हिंगणा तालुक्यातील एका नवख्या ग्रामसेविक महिलेला काही राजकीय पदाधिकारी यांच्या कडून त्रास देण्याचा प्रकार समोर येत आहे. ही माहिती समोर येताच संपूर्ण तालुक्यात एकच खळबळ उडाली आहे.
राजकारणात साम, दाम, दंड, भेद करून आपल्या विरोधाला चिट करण्याचे अनेक प्रकार बघितले पण हिंगणा तालुक्यातील एका नवख्या ग्रामसेविका महिलेला काही राजकीय पदाधिकारी शुल्लक कारणावरून त्रास देत असल्याचा प्रकार समोर येत असुन या प्रकरणाची तालुक्यात उलटसुलट चर्चा रंगली आहे.
हिंगणा पंचायत समिती अंतर्गत येत असलेल्या एका ग्रामपंचायत मध्ये नव्यानेच रुजू झालेल्या ग्रामसेविकेला शुल्लक कारणावरून त्रास देण्याचा प्रकार काही दिवसांपासून सुरू आहे, नागपुर जिल्हापरिषद सभागृहात या नवख्या ग्रामसेविका विरोधात काही राजकीय पक्षांच्या पदाधिकऱ्यांनी तक्रार सुध्दा दाखल केल्याचे विश्वसनीय सूत्रांनी सांगितले आहे. ग्रामसेविकेवर असा आरोप करण्यात आला की त्यांनी महात्मा ज्योतिबा फुले यांची जयंती ग्रामपंचायत सभागृहात साजरी केली नाही व त्या कार्यालयात हजर राहत नाहीत.
गावातील नागरिकांच्या म्हणण्यानुसार सदर ग्रामसेविका यांनी महात्मा ज्योतिबा फुले यांची जयंती साजरी केली व त्या नेहमीत वेळेत आपल्या कार्यालयात हजर असतात, त्यामुळे त्याच्या कार्यालयातील कामकाज नियमित सुरू आहे. पण आकसा पोटी त्यांना त्रास देण्यात येत आहे. या त्रास देणाऱ्यामध्ये एक पंचायत समितीचा अधिकारी सुध्दा सहभागी असल्याचे सांगण्यात येत आहे. आता हे त्रास देणारे पदाधिकारी व पंचायत समिती हिंगणाचा अधिकारी कोण हे लवकरच आमच्या वाचकांसमोर लवकरच येईल.
