✒️प्रविण जगताप, वर्धा उपजिल्हा प्रतिनिधी मोबा. न. 9284981757
महाराष्ट्र संदेश न्युज ! ऑनलाईन वर्धा:- जिल्हातील समुद्रपूर पोलीस स्टेशन ने अवैध दारू विरोधात वाॅशआउट मोहिम सुरू केली आहे. त्यामुळे परिसरातील अनेक अवैध दारू व्यवसाय करणाऱ्याचे चांगलेच धागे दकावले आहे. अशीच एक कारवाई गव्हा कोल्ही पारधी बेडा येथे करून समुद्रपूर पोलीसांचा डी. बी पथकाने तीन आरोपीला अटक करत लाखोंचा माल जप्त केला.
21 मे रोजी समुद्रपुर पोलीस स्टेशनच्या हद्दीत मौजा गव्हा कोल्ही पारधी बेडा येथे प्रभावी वाॅशआउट मोहिम राबवित दारूची भट्टी लावुन अवैधरित्या मोहा दारूची निर्मीती करणारे तीन आरोपी नामे 1) आम्रपाली लालचंद भोसले, वय 41 वर्ष 2) चंद्रगोपाल गणेश भोसले, वय 50 वर्ष, 3) अमृता मिलींद राउत, वय 19 वर्ष, तिन्ही रा. गव्हा कोल्ही पारधी बेडा तह. समुद्रपुर यांचे ताब्यातुन एकुण 410 ली. गरम मोहा सडवा रसायण, 3,675 ली. कच्चा मोहा सडवा रसायण, 237 ली. गावठी मोहा दारू, 145 किलो गुळ, 52 लोखंडी व प्लास्टीक ड्रम, 05 प्लास्टीक कॅन, 06 प्लास्टीक डबक्या, 06 प्लास्टीक शिशा, 3 जर्मन घमेले व इतर भट्टी साहित्य असा एकुण जु.किं. 2,66,850 रू. चा मुद्देमाल मोक्का जप्ती पंचनाम्याप्रमाणे जप्त करून, जप्त मालापैकी सिलबंद सि.ए. सॅम्पल तयार करून उर्वरित संपुर्ण मुद्देमाल पंचासमक्ष जागीचं नाष करून पो.स्टे. परतीनंतर तिन्ही आरोपीविरूध्द पो.स्टे. समुद्रपुर येथे महाराष्ट्र दारूबंदी कायद्यान्वये गुन्हे नोंद करण्यात आले.
सदरची कार्यवाही पोलीस अधिक्षक नुरूल हसन, अपर पोलीस अधिक्षक डाॅ. सागर कवडे, उपविभागीय पोलीस अधिकारी दिनेश कदम यांचे मार्गदर्शनात पोलीस स्टेशन समुद्रपूरचे पोलीस निरीक्षक प्रशांत काळे यांचे निर्देशाप्रमाणे पो.अं. विक्की मस्के, अरविंद येनुरकर, रवि पुरोहित, वैभव चरडे यांनी केली.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
