उषाताई कांबळे सांगली शहर प्रतिनीधी
महाराष्ट्र संदेश न्युज ! ऑनलाईन सांगली:- जिल्ह्यातील सर्व तालुक्यांतुन श्रमिक, कष्टकरी, बांधकाम कामगार व इतर सर्व कामगारांना सतत अनेक अडचणीचा सामना करावा लागत होता. यामुळे रिक्त असणारे सहाय्यक कामगार आयुक्त हे पद, कामगारांची होणारी गैरसोय थांबविण्यास, प्रलंबित कामे मार्गी लागण्यास तात्काळ भरण्याची मोठी गरज होती कारण सांगली जिल्ह्याला गेली अनेक वर्षांपासून जिल्ह्यासाठी स्वतंत्र सहाय्यक कामगार आयुक्त यांची निवड करण्यात आलीच नव्हती कामगारांचे व संबधित कार्यालयाशी संबधित नागरीकांची होणारी दुर्दशा लक्षात घेऊन कामगारमंत्री ना. सुरेश खाडे यांनी सांगली जिल्ह्यासाठी स्वतंत्र सहाय्यक कामगार आयुक्त यांची निवड केल्याबद्दल सेवक संघटित व असंघटित बांधकाम व सर्व श्रमिक कामगार संघटनेकडून आभार व्यक्त केले.
तसेच सांगली जिल्ह्याचे नव नियुक्त सहाय्यक कामगार आयुक्त एम.ए.मुजावर यांनी गुरूवार दिनांक १८ मे रोजी रितसर पदभार स्वीकारले आहे त्याची सेवक कामगार संघटनेकडून सदिच्छा भेट घेऊन संघटनेचे प्रेरणास्थान छत्रपती शिवाजी महाराज आणि डाॅ.बाबासाहेब आंबेडकर यांची प्रतिमा भेट देवून त्यांच्या निवडीबद्दल अभिनंदन करून पुढील वाटचालीस शुभेच्छा देण्यात आले त्याच बरोबर प्रलंबित असणारे अनेक समस्यांवर चर्चा झाली त्या वेळेस सहाय्यक कामगार आयुक्त मा.एम.ए.मुजावर साहेब यांनी प्रलंबित असणारे सर्व विषय लवकरच मार्गी लावण्याचे आश्वासन दिले.
यावेळी प्रामुख्याने संघटनेचे संस्थापक अध्यक्ष उमरफारुक ककमरी, पश्चिम महाराष्ट्र अध्यक्ष विजय वाघमारे, जिल्हाध्यक्ष विज्ञान लोंढे, कवठेमहंकाळ तालुकाध्यक्ष सचिन वाघमारे, आरोग्य विभागाचे शहर जिल्हाध्यक्ष प्रशांत कदम आदि उपस्थित होते.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
