सीमा सुरूशे, वाशिम जिल्हा प्रतिनिधी
महाराष्ट्र संदेश न्युज ! ऑनलाईन वाशिम:- जिल्हातील मालेगाव तालुक्यातून एक दुर्दैवी घटना समोर येत आहे. येथे एका इसमावर वीज पडल्यामुळे जागीच मृत्यू झाला आहे. त्यामुळे संपूर्ण गावात शोककळा पसरली आहे.
रविवारी वाशिम जिल्हात मान्सूनपूर्व पावसाने जोरदार हजेरी लावली. अचानक आलेल्या या मुसळधार पावसामुळे पुन्हा एकदा शेतकऱ्यांना नुकसानीचा सामना करावा लागला. याच दरम्यान, मालेगाव तालुक्यात मुसळवाडी वडील आणि मुलगा आंबे तोडण्यासाठी शेतात गेले होते अचानक झाडावर वीज कोसळली. या दुर्घटनेत मुलाचा जागीच मृत्यू झाला आहे. तर, वडील गंभीर जखमी झाले आहेत. निवास कदम वय 31 वर्ष असे अंगावर वीज कोसळून मृत्यू झालेल्या मुलाचे नाव आहे. तर, गोविंदा कदम वय 70 वर्ष असे जखमी झालेल्या वडिलांचे नाव आहे.
मालेगाव तालुक्यातील मुसळवाडी येथील आहे. निवास हा त्याचे वडील गोविंदा यांच्यासह शेतात आंबे तोडायला गेले होते. मात्र, त्यावेळी झाडावर वीज कोसळल्याने निवासचा दुर्दैवी मृत्यू झाला आहे. तर, गोविंदा हे गंभीर जखमी झाले आहेत. घरातील तरुण मुलाचा अचानक मृत्यू झाल्याने कदम कुटुंबियांवर दुख:चे डोंगर कोसळले.
आपल्या परिसरातील बातम्या आणि प्रतिनिधी बनण्याकरिता आजच संपर्क साधावा प्रशांत जगताप संपादक 9766445348/7385445348
