अनिल अडकिने सावनेर तालुका प्रतिनिधी
मो. नं. 9822724136
महाराष्ट्र संदेश न्युज ! ऑनलाईन सावनेर,21 जून:- येथील जवाहर कन्या कला, वाणिज्य व विज्ञान कनिष्ठ महाविद्यालय सावनेरच्या प्रांगणात उपविभागीय अधिकारी संपत खलाटे, तहसीलदार मलिक विराणी, पोलीस निरीक्षक रवींद्र मानकर, विद्या प्रसारक मंडळाचे अध्यक्ष व्हि. डी. डाहाके, सचिव एन. डी. डाहाके यांच्या प्रमुख उपस्थितीत सकाळी 6 ते 8 या वेळेत उत्साहात साजरा करण्यात आला.
या कार्यक्रमाची सुरुवात मान्यवरांच्या हस्ते दीप प्रज्वलन करून व परमपूज्य श्री श्री रविशंकरजी यांच्या प्रतिमेला पुष्पहार अर्पण करून नंतर भारत सरकारच्या शिष्टाचारानुसार योगाचे सत्र घेण्यात आले. ज्यामध्ये सामूहिक प्रार्थना, शरीर, ग्रीवा, स्कंध, घुटना, संचालन, वेगवेगळी आसने, प्राणायाम, ध्यान, संकल्प, शांतीपाठ अशी रूपरेषा होती. या कार्यक्रमाला जवळपास 150 योगिस्नेहीची उपस्थिती होती.
या कार्यक्रम प्रसंगी उपविभागीय अधिकारी साहेबांनी योगाचे महत्त्व त्याचा पूर्वइतिहास आणि त्याची जाणीव जागृती का बरं आवश्यक आहे तसेच तहसीलदार साहेबांनी योगाच्या माध्यमातून शरीर व मन यामध्ये तादात्म्य ठेवण्याचं काम हे होत असते त्यासाठी जाणीव जागृतीची गरज आहे हे सांगितले. तद्वतच पोलीस उपनिरीक्षक यांनी योगा विषयी स्वतःचे अनुभव कथन केले व योगाचे महत्त्व सावनेर मधील योगी स्नेहींना पटवून दिले.
या कार्यक्रमाचे संपूर्ण नियोजन आर्ट ऑफ लिविंग परिवार सावनेर, प्रशासन व परिसरातील शाळा यांच्या संयुक्त विद्यमाने करण्यात आले. योग प्रशिक्षक मदन डहाके यांनी योग प्रशिक्षणाची धुरा सांभाळली तसेच पाहुण्यांचे स्वागत संचालन मुख्याध्यापिका गोतमारे, अटाळकर मॅडम यांनी केले. या कार्यक्रमाला निसर्ग पवार, लीलाधर महाजन, राजू पटेल, भुनेश्वर बोबडे, कृष्णकांतजी पांडव, डॉ. नितीन पोटोडे, ॲड.अभिषेक मुलमुले, मुख्या. किशोर चौधरी, मुख्या. गजानन कुरवाडे, मुरलीधर किनकर, विजय ठाकरे, अशोक पटेल, दत्ताभाऊ धोटे, मुकेश लांबट या आर्ट ऑफ लिविंग स्वयंसेवकांचे विशेष सहकार्य लाभले तसेच कार्यक्रमाच्या यशस्वीतेसाठी जवाहर कन्या विद्यालयाच्या मुख्याध्यापिका, शिक्षक व शिक्षकेत्तर कर्मचारी वृंद व संस्थेने सहकार्य केले.
