उषाताई कांबळे, सांगली शहर प्रतिनीधी
महाराष्ट्र संदेश न्युज ! ऑनलाईन सांगली:– गुरुपौर्णिमा, राजर्षी छत्रपती शाहू महाराज जयंती आणि सेवानिवृत्त प्राचार्य प्रभाकर बाबुराव होवाळे यांच्या अमृत महोत्सवी जन्मदिनाच्या औचित्य साधून सांगली येथील श्रावस्ती बुद्ध विहार येथे निबंध व वक्तृत्व स्पर्धेचे आयोजन करण्यात आले आहे.
रविवार दिनांक 25 जून 2023 रोजी सकाळी अकरा वाजता लहान गट पाचवी ते आठवी या वर्गातील विद्यार्थ्यांना निबंध स्पर्धेसाठी बाबासाहेबांची गुरु, बाबासाहेबांचे बालपण आणि कशी असावी भीम जयंती हे विषय आहेत. तसेच वक्तृत्व स्पर्धेसाठी माझ्या जीवनातील गुरु चे महत्व, सावित्रीमाईंचे कार्य आणि मला भावलेले बाबासाहेब बरोबर
मोठा गट नववी ते बारावी विद्यार्थ्यांना निबंध स्पर्धेसाठी पहिले धम्मचक्र प्रवर्तन गुरुपौर्णिमा, राजर्षी शाहू महाराजांचे कार्य आणि भारतीय संविधान तसेच वक्तृत्व स्पर्धेसाठी पंचशीलाचे महत्त्व, बौद्धकालीन कर्तृत्ववान स्त्रियांची कार्य आणि बाबासाहेबांचे संदेश शिखर संघटित व्हा संघर्ष करा अशा विषयांच्या वरती स्पर्धा आयोजित केलेल्या आहेत.
या स्पर्धेसाठी आकर्षक बक्षिसे ग्रंथ व कार्य प्रमाणपत्र देण्यात येणार आहे. स्पर्धेत सहभागी विद्यार्थ्यांना प्रमाणपत्र देण्यात येणार आहे. या स्पर्धेसाठी बौद्ध धम्म संस्कार संघ श्रावस्ती विहार, चिन्मय पार्क जवळ, सांगली होणार आहेत. स्पर्धेसाठी जास्तीत जास्त विद्यार्थ्यांनी सहभागी व्हावे असे आवाहन करण्यात येत आहे.
या कार्यक्रमाचे आयोजन व संयोजन अध्यक्ष डॉक्टर सुधीर कोलप, उपाध्यक्ष प्रा. सुनिता धम्मकीर्ती, सचिव (पवन) शिवाजी वाघमारे, संभाजी माने, जगन्नाथ आठवले, सी. बी. चौधरी, पारमित धर्मकीर्ती, भारत कदम, दीपमाला कांबळे, शैलजा साबळे, उषा कांबळे, अवंतिका वाघमारे, दादासाहेब धेंडे, पी. एम. कांबळे इत्यादी कार्य करीत आहेत.
