संदीप सुरडकर, नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. मेडिकलशी संलग्न ‘बी.एस्सी नर्सिंग कॉलेज’ मध्ये शिक्षण घेण्यास जम्मूकाश्मीर येथील विद्यार्थीनी मागील 3 दिवसांपासून आजारी होती. ती ज्या वसतिगृहात राहत होती. तिच्या प्रकृतीची साधी विचारपूस ही कोणी केली नाही. त्यानंतर मैत्रीणींनी तिला मेडिकल रुग्णालयाच्या कॅज्युल्टी येथे नेले. जेआर-1 यांनी बघितले आणि तिला सुटी दिली. वसतिगृहात परतल्यानंतर तिची प्रकृती आणखी गंभीर झाली. अखेर बुधवारी (ता.५) वॉर्ड क्रमांक 52 मध्ये तिचा दुर्दैवी मृत्यू झाल्याने प्रशासनात एकच खळबळ उडाली आहे.
मैत्रीणींनी तिला मेडिकल रुग्णालयात नेल्यानंतर प्रशासनाने तिच्या मामा व आईवडिलांना याबाबत माहिती दिली. यावेळी तिची प्रकृती चिंताजनक असल्याचे कळल्या नंतर प्राचार्यापासून तर साऱ्या प्राध्यापकांनी मेडिकलच्या आयसीयूत धाव घेतली.
नागपुर महानगर असल्याने देशातील अनेक राज्यातून मुले मुली शिकायला येतात. ते वसतिगृहात राहून शिक्षण घेत असतात. पण ही विद्यार्थिनीं मागील 3 दिवसापासून आजारी होती तरी वसतिगृहातील प्रशासनाने तिच्याकडे ढुकुनही पाहिले नाही. उपचाराला उशीर झाला आणि तिचा दुर्दैवी अंत झाला.
यात एक खळबळजनक माहिती समोर आली आहे. या नर्सिंग कॉलजमध्ये वॉर्डन नसल्याची माहिती समोर आली आहे. वॉर्डन नसल्याने आपोआपच ही जबाबदारी प्राचार्यांवर आली आहे. प्रकृतीची विचारपूस कोणीही केली नसल्याची जोरदार चर्चा बीएस्सी नर्सिंगमध्ये सुरू आहे. नागपुरातील मेडिकलशी संलग्न बीएस्सी नर्सिंगमध्ये देशभरातील मुली शिकायला येतात. वसतीगृहात त्या राहतात. नर्सिंग कॉलेजचे प्राचार्य, वॉर्डन हेच या मुलींचे पालक असतात. परंतु वॉर्डन नाही. यामुळे मुलींची संपूर्ण जबाबदारी प्राचार्यांची आहे.
बी.एस्सी च्या पहिल्या वर्षाला शिकणारी जम्मू काश्मीर मधील ही मुलगी सोमवारपासून आजारी होती, वर्गात गैरहजर आहे. मात्र तिच्यासंदर्भात कोणीही साधी विचारपूस केली नाही. वसतिगृहात मध्यरात्री दीड वाजता तीची प्रकृती बिघडली. रात्रभर पोटात दुखत होते. मैत्रिणींनी तिला कॅज्युल्टीत आणले. पहिल्या वर्षाला शिकणाऱ्या निवासी डॉक्टरने जेआर-1 यांनी बघितले आणि सुटी दिली. ती वसतिगृहात गेल्यानंतर काही वेळात तिची प्रकृती गंभीर झाली. बाह्यरुग्ण विभागात मैत्रिणींनीच आणले. बुधवारी (ता.5) डॉक्टरने तिला तत्काळ वॉर्ड क्रमांक 48 मध्ये दाखल केले. उपचार सुरू केले, परंतु अचानक हाइपरपाइरेक्सियामध्ये गेली. किडनीवरही परिणाम झाला असल्याची माहिती आहे. प्रकृती चिंताजनक असून अतिदक्षता विभागात उपचार सुरू केला. नर्सिंग कॉलेजच्या शिक्षकांनानी केलेला हलगर्जीपणा या मुलीच्या जीवावर बेतणारा ठरू शकतो, अशी चर्चा दबक्या आवाजात येथे आहे.
