रविंद्र भदर्गे, जालना उपजिल्हा प्रतिनिधि
महाराष्ट्र संदेश न्युज ! ऑनलाईन परतूर:- तालुक्यातील मौ. मापेगांव बू (पुनर्वसन) येथे सुरू असलेल्या प्राथमिक आरोग्य उपकेंद्राचे बांधकाम अनधिकृत होत असल्याने यांची तक्रार करूनही कारवाही न झाल्याने उपविभागीय अधिकारी परतूर यांच्या कार्यालयासमोर बेमुदत उपोषण 26 जून 2023 रोजी करण्यात आले होते. त्यांनतर या बांधकामाला जालना जिल्हा परिषद बांधकाम विभाग कडून स्थगीती देण्यात आली.
मौ. मापेगांव बू (पुनर्वसन) येथील प्राथमिक आरोग्य उपकेंद्राचे इमारतीच्या बांधकामासाठी ज्या ठिकाणी मंजुरी देण्यात आली त्याच ठिकाणी हे बांधकाम व्हावे यासाठी भरत मोगरे व राहुल देशमाने यासह काहीं गावकऱ्यांनी उपोषण केले. हे उपोषण बांधकाम उपविभाग अभियंता सुखंदे यांनी लेखी आश्वासन दिल्यानंतर सोडवण्यात आले. त्यांनंतर गावातील ग्रामपंचायतने या विषयी दि.08 जुलै 2023 ग्रामसभा घेऊन बांधकाम हे चालू असलेल्या ठिकाणींच व्हावे यासाठी बहुमताने मंजूर ठराव घेण्यात आले. मात्र यामध्ये नागरिकांचा दिशाभूल करत ग्रामपंचायतीने चक्क उपस्थिती म्हणुन नागरिकांच्या सह्या घेतल्या आणि बहुमत सिद्ध केले. हे कळताच तक्रारदार भरत मोगरे व राहुल देशमाने यांनी ग्रामपंचायत वर मोठे प्रश्न चिन्ह निर्माण केले.
ते म्हणाले की, 8 जुलै रोजी चालू असलेल्या ग्रामपंचायत मध्ये प्रा. आरोग्य उपकेंद्राच्या जागे बाबत आपण दुसरी जागा न निवडता 20 नोव्हेंबर 2022 रोजी झालेल्या ठरावानुसार बांधकामाची जागेची निवड करण्यात आली. तीच योग्य ठरवण्यात यावि तसेच सध्या चालू असलेले प्रा. आरोग्य उपकेंद्राचे बांधकाम चुकीचे व अनधिकृत जागी आहे. आपण त्या चुकीच्या व अनधिकृत जागेलाच प्रा. आरोग्य उपकेंद्राच्या बांधकामासाठी योग्य निवड करत आहेत त्या मुळे आम्ही सर्व आज रोजी चालू असलेल्या ग्रामसभेवर बहिष्कार टाकत आहोत. असे पत्र आम्ही ग्रामपंचायत ला दिले होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
