अर्पित वाहाणे, आर्वी तालुका प्रतिनिधी
महाराष्ट्र संदेश न्युज ! ऑनलाईन आर्वी :- दिनांक 20 जुलै रोजी महाराष्ट्र राज्य काँग्रेस कमिटीचे महासचिव माजी आमदार अमर काळे यांच्या नेतृत्वात, आर्वी भारतीय राष्ट्रीय काँग्रेस कमिटी तळेगाव यांच्या वतीने तळेगाव ते आर्वी या 12 किलोमीटर रखडलेल्या रस्त्याच्या कामाच्या निषेधार्थ भव्य पद्ययात्रा तळेगाव ते उपविभागीय कार्यालय, आर्वी पर्यंत आयोजित करण्यात आलेली होती, तसेच उपविभागीय अधिकारी यांना निवेदन देण्यात आले.
तळेगाव ते आर्वी या 12 किलोमीटर हा रस्ता मागील अनेक वर्षांपासून रखडलेल्या आहे. या रस्त्यामुळे परिसरातील नागरिकांना आणि वाहतूक दाराना मोठ्या प्रमाणात मनस्ताप सहन करावा लागत आहे. आता पावसाळ्यात तर खड्डेमय रस्त्यावर अपघात होण्याची शक्यता मोठ्या प्रमाणात वाढली आहे. त्यामुळे अमर काळे यांच्या नेतृत्वात ही पदयात्रा काढण्यात आली.
पद्ययात्रा तळेगाव तसेच आर्वीतील नागरिकांच्या प्रचंड प्रतिसादात यशस्वीरीत्या पार पडली,तसेच नागरिकांनी विद्यमान भाजपा सरकारच्या विरोधात घोषणा देत रोष व्यक्त करत निषेध नोंदवला या पद्ययातत्रेला विविध संघटनांनी सुद्धा पाठींबा दर्शविला, या पद्ययात्रेत प्रामुख्याने आष्टी तथा आर्वी तालुक्यातील जेष्ठ मार्गदर्शक मंडळी, पदाधिकारी, कार्यकर्ते तथा नागरिक मोठ्या संख्येने उपस्थित होते.
हा लढा नेहमी असाच चालु राहील, जो पर्यंत आर्वी तळेगाव या मागिल पाच वर्षांपासून १२ की मी रखडलेल्या रस्त्याचे काम पुर्णत्वात होवुन प्रवाशांना समाधान मिळत नाही. आमचा प्रत्येक लढा हा सामन्य व गोरगरीब जनतेसाठी असणार: माजी आमदार अमर काळे, महाराष्ट्र प्रदेश काँग्रेस कमेटी महासचिव
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
