अर्पित वाहाणे, आर्वी तालुका प्रतिनिधी
महाराष्ट्र संदेश न्युज ! ऑनलाईन वर्धा:- नेहमीच वादग्रस्त विधानांसाठी ओळखले जाणारे मनोहर उर्फ संभाजी भिडे हे तळेगाव (शा. पंत) अमरावती – नागपूर राष्ट्रीय महामार्ग 6 वरून जात असताना शिवप्रतिष्ठान संघटनेच्या स्थानिक काही कार्यकर्त्यांनी त्याचे स्वागत व भेट घेण्याचे आयोजन केले होते. या कार्यक्रमाला आंबेडकरी चळवळीतील आणि पुरोगामी चळवळीतील कार्यकर्त्यांनी जोरदार विरोध केला आहे.
संभाजी भिडे हे नेहमी वादगस्त बयान देऊन समाजात तेढ निर्माण करण्याचे कार्य करत आहे. ते लोकशाही, देश, संविधान, महिलावर्गाचा आणि भारताचा तिरंग्या बदल अपशब्द वापरून त्यांना अपमानित करत आहे. त्यामुळे आर्वी, आष्टी, कारंजा येथील भिमसैनिक संभाजी भिडे यांचा विरोध करत होते. याची माहिती पोलीस प्रशासन तळेगाव यांना माहित होताच सर्व भिम सैनिकांना पकडून पोलिसांनी नजर कैद केले. आणि तो संभाजी भिडे हे रवाना होतपर्यंत त्यांना नजर कैद करण्यात आले.
यामध्ये निखिल खडसे रा. तळेगाव (शा. पंत ) याला पोलिसांनी 27 ताऱखीच्या रात्री सुमारे 1 वाजता पासून कैद करुन ठेवले होते व आता 28 तारखे पर्यंत सुद्धा तो नजर कैद आहे. नजर कैद झालेले भिमसैनिक प्रदीपभाऊ मेंढे आर्वी भीमटागर सेना जिल्हा उपाध्यक्ष वर्धा, निखिल खडसे तळेगाव, सागरभाऊ मेंढे आष्टी, प्रकाश श्रीराम आष्टी, प्रफुलभाऊ ठाकरे कारंजा, संदीप दहिवडे किन्हाळा, अमर धाकूळकर वर्धमनेरी, प्रकाशभाऊ वाघमारे, तळेगाव, अक्षय भगत, वर्धमनेरी, आकाश भगत वर्धमनेरी, सुरज बारंगे, किन्हाळा, अनिकेत भगत वर्धमनेरी, धिरज भगत, वर्धमनेरी, संदीप तायडे तळेगाव, कमलेश कामडी आर्वी, विनोदभाऊ पायले आर्वी, दर्पणभाऊ टोकसे आर्वी, अंकुश कांबळे आष्टी, सुलतान हुसेन आष्टी, सुजित रंगारी जळगाव इत्यादी कार्यकर्त्यांना पोलिसांनी नजरकैद केले होते.
निखिल खडसे, यांच्या नेतृत्वात पोलीस निरीक्षक , तळेगाव यांच्या मार्फत पोलीस अधीक्षक वर्धा यांना संभाजी भिडे’ यांचा निषेध म्हणून व त्यावर संचारबंदी कायदा लागू करण्या बाबत निवेदन देण्यात आले. यावेळी प्रदीपभाऊ मेंडे यांनी संभाजी भिडे ला काळे झेंटे दाखवून त्यांचा निषेध केला.
