राज शिर्के मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- येथून एक खळबळजनक घटना समोर आली आहे. येथे चालत्या ट्रेन मध्ये गोळीबार करण्यात आला त्यात चार नागरिकांचा मृत्यू झाला असल्याच्या समोर आले आहे. त्यामुळे संपूर्ण ट्रेन मध्ये एकच खळबळ माजली आहे.
जयपूर रेल्वे स्टेशनवरून रविवारी दुपारी दोन वाजता सुटलेली जयपूर-मुंबई सेंट्रल सुपरफास्ट एक्स्प्रेस ट्रेनमध्ये गोळीबाराची घटना घडली आहे. ही घटना मुंबईतील दहिसर ते मीरा रोड या रेल्वे स्थानका दरम्यान घडली असल्याची माहिती समोर आली आहे. या गोळीबारात 4 जणांचा मृत्यू झाल्याची माहिती सूत्राकडून प्राप्त झाली आहे. या मृतांमध्ये एका पोलिस कर्मचाऱ्याचा ही समावेश असल्याची जीआरपीकडून माहिती मिळते.
चालत्या ट्रेनमध्ये गोळीबार कोणत्या कारणातून झाला याबाबत अद्याप माहिती समोर आली नाही. या घटनेमुळे प्रवाशांमध्ये भीतीचे वातावरण निर्माण झाले आहे. ही पॅसेंजर सध्या मुंबई सेंट्रल स्थानकात पोहचली आहे. मुंबई सेंट्रल लोहमार्ग पोलीस पॅसेंजर ट्रेनमध्ये पहेचली आहे. मुंबई सेंट्रल पोलिसांकडून घटनास्थळाची पाहणी करण्यात येत आहे.
पॅसेंजर ट्रेनमध्ये शस्त्र घेऊन आरोपी का चढले होते?, चोरीच्या उद्देशाने ही घटना घडली की आणखी काही? याबाबत पोलीस तपास करत आहेत. ज्या डब्यात ही घटना घडली, तो डबा पोलिसांकडून सिल कर्यात आला आहे. पोलीस सर्व तपास करत आहेत. घटनेत किती आरोपींचा समावेश होता, आरोपी कोण होते? याबाबत तपासाअंतीच स्पष्ट होईल. मृतांची ओळख पटवण्याचेही काम सुरु आहे.
