हनिशा दुधे, चंद्रपूर जिल्हा ग्रामीण प्रतिनिधी मो 9764268694
महाराष्ट्र संदेश न्युज ! ऑनलाईन बल्लारपूर:- येथून एक खळबळजनक घटना समोर आली आहे. शाळेच्या 62 वर्षीय बस चालकाने बल्लारपूरच्या गोरक्षण वॉर्डमध्ये असलेल्या कॉन्व्हेंट आणि शाळेतील 9 वर्षीय विद्यार्थिनीचा विनयभंग केला. विद्यार्थिनीचा आईच्या तक्रारी वरून पोलिसांनी कलम 354 आणि पॉस्को 8,12 नुसार गुन्हा नोंदवून आरोपीला अटक केली. मो. अजीज मो. मजहर शेख असे आरोपीचे नाव असून तो पंडित दीनदयाळ वार्डातील रहिवासी आहे.
बल्लारपूरच्या महिला पीएसआय नेहा सोळंके यांनी सांगितले की, सोमवारी सकाळी गौरक्षण वॉर्ड परिसरात असलेल्या शाळेत बसचालक मोहम्मद अजीज याने इयत्ता चौथीत शिकणाऱ्या ९ वर्षीय विद्यार्थिनीसोबत अश्लील कृत्य करण्याचा प्रयत्न केला. विद्यार्थिनीने सर्व प्रकार आईला सांगितला. त्यांनी बल्लारपूर पोलिसांत येऊन बसचालकाविरुद्ध फिर्याद दिली असता, गुन्हा दाखल करून आरोपीला अटक करण्यात आली आहे. पुढील तपास बल्लारपूरचे पोलीस निरीक्षक उमेश पाटील यांच्या मार्गदर्शनाखाली पोलीस उपनिरीक्षक नेहा सोळंकी करत आहेत.
संबंधित शाळेच्या मुख्याध्यापकांकडून या घटनेची माहिती घेतली असता त्यांनी सांगितले की, शाळा व्यवस्थापन या प्रकाराला अजिबात समर्थन देत नाही, आमच्या शाळेतील अशा प्रकारची ही पहिलीच घटना आहे. दोषी बस चालकावर कडक कारवाई करण्यात यावी.
