महाराष्ट्र संदेश न्युज ! ऑनलाईन पुणे:- शहरातील कोंढवा पोलीस ठाण्याची हद्दीमध्ये स्मशानभूमी समोर खडीमशीन पोलीस चौकी जवळ एक मालवाहतूक करणाऱ्या ट्रक चा ब्रेक फेल झाल्याने भीषण अपघाताची घटना समोर आली आहे. या भीषण अपघातात एकाचा जागीच मृत्यू झाला आहे. त्यात एक शालेय विद्यार्थ्यांना घेऊन जाणारी बस थोडक्यात वाचली नाहीत तर अपघाताची तीव्रता वाढली वाढली असती.
प्राप्त माहितीनुसार, कोंढवा पोलीस ठाण्याची हद्दीमध्ये स्मशानभूमी समोर खडीमशीन पोलीस चौकी जवळ अपघात झाला असल्याबाबतची माहिती सकाळी 9.00 वाजता नियंत्रण कक्ष येथून प्राप्त झाली होती. सदर माहिती प्राप्त होतात समयसूचका दाखवत पोलिसांनी आपल्या ताप्या सह घटनास्थळी भेट दिली असता, एक माल वाहतुकीचा कंटेनर त्याचा रजि नंबर महा-14-जी.डी-6919 या वाहनाचा ब्रेक फेल झाल्याने त्याची धडक इतर वाहनांना बसून अपघात झाल्याचे दिसून येत आहे. सदर अपघातात एकूण 8 वाहनांचे नुकसान झालेले आहे. सदरचे अपघातात एक इसम मयत झाला असून सदर इसमा चे नाव प्रशांत कृष्णा चोरे, वय 43 वर्षे, रा धनकवडी, पुणे असे आहे या अपघात पाच ते सात इसम जखमी आहेत.
यावेळी पोलिसांनी मयत प्रशांत कृष्णा चोरे याचा मृतदेह ॲम्बुलन्सने ससून हॉस्पिटल येथे पाठविण्यात आले आहे. इतर जखमी इसमाना जवळील भारती हॉस्पिटल येथे दाखल केले आहे. येथे त्यांचावर उपचार सुरू आहे.
या अपघातात संस्कृती स्कूल उंदरी या शाळेत शालेय विद्यार्थ्यांना घेऊन जाणारी MH-12-NX-2185 बस ला पण धडक लागून अपघात झाला या वेळी या बस मध्ये मोठ्या प्रमाणात विध्यार्थी बसून होते. यात अपघातात वाहन चालक किरकोळ जख्मी झाले असून सुदैवाने यात बसलेल्या विद्यार्थांना मार लागला नाही.
या अपघात अनेक वाहने नादुरुस्त झाली आहे. त्यात जवळपास 10 वाहन एकमेकाला धडक झाल्याचे माहिती मिळून येत आहे. त्यामुळे लाखोंचे नुकसान झाले आहे. यावेळी पोलिसांनी घटनास्थळावरील अपघातग्रस्त वाहने बाजूला काढून वाहतूक सुरळीत करण्याचे काम केले.
