मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिराेली:- जिल्हातून एक संतापजनक घटना समोर आली आहे. येथे एका 7 महिन्याच्या गर्भवती महिलेवर दोन नराधमाने अत्याचार केल्याच्या घटनेने संपूर्ण गडचिरोली जिल्हा हादरला आहे.
गर्भवती महिलेवर अत्याचार करण्यात आल्याची ही संतापजनक घटना कुरखेडा तालुका मूख्यालयापासून अगदी दाेन किलोमीटर अंतरावर असलेल्या धमदीटोला येथे गुरुवारी रात्री 8.30 वाजताच्या सुमारास घडली. त्यात अतिप्रसंग करणारे दाेघे हे सख्खे भाऊ आहेत. संजय कपूरडेरिया वय 32 वर्ष व ताराचंद कपूरडेरिया वय 30 वर्ष अशी अत्याचार करणाऱ्या नराधमांची नावे आहेत.
प्राप्त माहितीनुसार अत्याचार करण्यात आलेली पीडित महिला ही काही दिवसांसाठी आपल्या माहेरी आली हाेती. पीडित महिलेच्या कुटुंबातील सदस्य हे बाहेर गेले होते. हीच संधी साधत दाेन्ही नराधमांनी पिडित महिलेच्या घरात प्रवेश केला व तिच्यावर अत्याचार केला. पीडित महिलेने कूरखेडा पोलिस स्टेशन गाठत रात्रीच तक्रार दाखल केली. तक्रारीवरून आराेपीं विराेधात भादंवि 376, 376 (ड ) अन्वये गुन्हा दाखल केला. पाेलिस रात्रीच गावात पाेहाेचले. त्यांनी आराेपींना अटक केली.
शुक्रवारी आराेपींना न्यायालयात हजर केले असता न्यायालयाने त्यांना दाेन दिवसांची पाेलिस काेठडी सुनावली आहे. पीडितेला वैद्यकीय परीक्षणाकरिता जिल्हा सामान्य रुग्णालय गडचिरोली येथे पाठविण्यात आले आहे. घटनेचा तपास ठाणेदार संदीप पाटील यांचा मार्गदर्शनात सहायक पोलिस निरीक्षक दिनेश गावंडे करीत आहेत. या विकृत घटनेने परिसरात खळबळ उडाली आहे. आराेपी भावंडे गुंड प्रवृत्तीचे असल्याची माहिती आहे.
