पंकेश जाधव, पुणे ब्यूरो चीफ
महाराष्ट्र संदेश न्युज ! ऑनलाईन पुणे, दिनांक २६ ऑगस्ट:- कोंढवा पोलीस स्टेशन हद्दीतील के. जे. कॉलेज, बोपदेव घाट, कोंढवा पुणे येथे बॉईज व गर्ल्स हॉस्टेल जवळ बेडची डिलिव्हरी करणाऱ्या एका इसमाकडे एक बुलेट सदृश वस्तू मिळून आल्याने एकच खळबळ माजली आहे.
याबाबत पोलिसांनी माहिती मिळाली की के. जे. कॉलेज, बोपदेव घाट, कोंढवा पुणे येथे बॉईज व गर्ल्स हॉस्टेल जवळ बेडची डिलिव्हरी एक बुलेट सदृश वस्तू मिळाली. ही माहिती कोंढवा पोलिसाना मिळताच घटनास्थळी तपास पथक व एटीसी पथक घटनास्थळी तात्काळ दाखल झाले आणि तपास सुरू केला. यावेळी पोलिसांनी ही वास्तू जप्त केली, सदर बुलेट ही खरी आहे किंवा कसे हे निश्चित होत नसल्याने तसेच सदर बुलेट पुंगळी ही एअर गन मधील आहे का ? याबाबत अधिक तपास करून योग्य ती कार्यवाही करण्याची तजवीज ठेवली आहे.
सदर घटनेबाबत कॉलेज चे मॅनेजमेंट अधिकारी श्री. सोमनाथ ढगे यांचे कडे चौकशी केली. सदर ठिकाणी कोणताही भांडणाचा प्रकार घडलेला नाही असे समक्ष सांगितले. अद्याप संशयित काही नाही. तरी सदर हॉस्टेलवर व कॉलेज परिसरात अधिक माहिती घेत आहोत सदर परिसरात शांतता आहे असे संतोष सोनवणे वरिष्ठ पोलीस निरीक्षक कोंढवा पोलीस स्टेशन यांनी सांगितले.
