राज शिर्के मुंबई शहर प्रतिनिधी
महाराष्ट्र संदेश न्युज ! ऑनलाईन मुंबई:- येथील डोंबिवली येथून एक संतापजनक घटना समोर आली आहे. देवदर्शन करून घरी परतणाऱ्या महिलेवर दोन रिक्षा चालकांनी अतिप्रसंग करण्याचा प्रयत्न केला पण सुदैवाने गस्तीवर असणाऱ्या मानपाडा पोलीस कर्मचाऱ्यांच्या प्रसंगवधान व धाडसामुळे महिलेचा जीव वाचला असून दोन्ही या दोन्ही नराधम रिक्षा चालकांना पोलिसांनी बेड्या ठोकल्या आहे.
प्राप्त माहितीनुसार डोंबिवली पूर्वेतील कोळेगाव परिसरात राहणाऱी एक महिला शुक्रवारी संध्याकाळी खिडकाळेश्वर मंदिरात गेली होती. दर्शन घेऊन घरी जाण्यासाठी की एका रिक्षात बसली. त्यात एक प्रवासी आधीच बसला हाेता. महिलेने रिक्षा चालकाला कोळेगावात जायचे असे सांगितले. परंतु रिक्षा चालकाने रिक्षा एका निर्जनस्थळाकडे वळवली. महिलेला संशय आल्याने तिने आरडा ओरडा केला.
मात्र शेजारी बसलेल्या प्रवाशाने शस्त्राचा धाक दाखवत महिलेला निर्जनस्थली नेले. याच दरम्यान गस्तीवर असणारे मानपाडा पोलीस ठाण्याचे पोलिस बीट मार्शल सुधीर हसे आणि अतुल भोई यांना याचा संशय आला. दोघांनी या रिक्षाचा पाठलाग करत नराधमांना पकडले. यावेळी आरोपीने एका पोलिसावर धारदार शस्त्राने हल्ला केला. या हल्ल्यात पोलीस सुधीर हसे हे गंभीर जखमी झाले.
मानपाडा पोलिस ठाण्याचे वरिष्ठ पोलीस निरिक्षक सुरेश मदने हे घटनास्थळी दाखल झाले. दोघाही नराधमाना पोलिसांनी अटक केली आहे. आरोपी प्रभाकर पाटील हा रिक्षा चालवतो. तर त्याचा साथीदार वैभव तरे हा देखील रिक्षा चालक आहे. वैभव याची गुन्हेगारी पार्श्वभूमी आहे. या दोघांना पोलिसांनी बेड्या ठोकल्या आहेत.
