अनिल अडकिने सावनेर तालुका प्रतिनिधी
मो नं -9822724136
महाराष्ट्र संदेश न्युज ! ऑनलाईन सावनेर -18 सप्टेंबर:- सावनेर तालुक्यातील खापा पोलीस स्टेशन अंतर्गत बावनगाव शिवारात खापा बडेगाव मार्गावरील न्यू एकांत फार्म हाऊस व लॉजिंग मध्ये अनैतिक वेश्याव्यवसाय सुरू असल्याची गुप्त माहिती खापा पोलीस स्टेशनचे ठाणेदार मनोज खडसे यांना मिळताच सोमवार दिनांक 17 सप्टेंबर 2023 रात्री 11 वाजून 30 मिनिटां च्या दरम्यान धाड टाकून लॉज संचालकासह सहा आरोपींना व दोन तरूणींना अटक करण्यात आली.
मिळालेल्या माहितीनुसार खापा पोलीस स्टेशन अंतर्गत बावनगाव शिवारातील शेतात न्यू एकांत फार्म हाऊस व लॉजिंग ह्या नावाने लॉज आहे.या लॉज मध्ये बरेच दिवसापासून अनैतिक वेश्या व्यवसाय सुरू असल्याची गुप्त माहिती खापा पोलिसांना मिळताच खापा पोलीस पथक घटनास्थळी दाखल झाले. लॉज मध्ये सुरू असलेल्या अनैतिक वेश्या व्यवसाय करणाऱ्या आरोपींनासह न्यु एकांत लॉज च्या संचालकास अटक करण्यात आली.
खापा पो.स्टे अप.क्रं.४०१/२३ भादवि कलम ३६३ सह अनैतिक व्यापार प्रतिबंध अधिनियम १९५६ चे कलम ३, ५ प्रमाणे कारवाई करून मुख्य आरोपी विनित देविदास पाटील रा. सावनेर बस स्टॉपच्या मागे सावनेर,क्षितिज अनिल चौकसे इंदोरा नागपूर, सुरेंद्र लिलाधर होले टिमकी नागपूर,पंकज नामदेव सुरीले चिचोली,संजय झिबल बेंबारे रा.नवीन भानेगाव, खापरखेडा,सौरभ विजय तिवारी रा. दहेगाव रंगारी ता. सावनेर यांना अटक करण्यात आली. ही कारवाई खापा ठाणेदार मनोज खडसे यांच्या मार्गदर्शनात पीएसआय मिलिंद गेडाम, एएसआय प्रमोद बनसोड, परवेज शेख, पन्ना बटाऊवाले, खामेश्वर बांबल, संतोष परतेती, मनीराम नेवारे, सौ. सपना इंगोले या पोलीस पथकाने कारवाई केली.
यावेळी सर्व आरोपींना न्यायालयात हजर केले असता, न्यायालयातर्फे या सर्वांना पोलीस कोठडी देण्यात आली. 21 सप्टेंबर पर्यंत चार दिवसाच्या पोलीस रिमांड देण्यात आला आहे. मोठ्या रॅकेट उघडकीस येण्याची शक्यता आहे. पुढील तपास खापा ठाणेदार मनोज खडसे यांच्या मार्गदर्शनात पीएसआय मिलिंद गेडाम, एएसआय प्रमोद बन्सोड करीत आहे.
