पंकेश जाधव पुणे ब्युरो चिफ 7020794626
स्वारगेट पोलीस स्टेशन पुणे शहर
महाराष्ट्र संदेश न्यूज ऑनलाईन पुणे :- स्वारगेट पोलीस ठाणे पुणे शहर गुन्हा रजि. नं. २२५/२०२३ भा.द.वि कलम ३७९ मधील फिर्यादी हे दिनांक – २०/०८/२०२३ रोजी संध्याकाळी ०७/३० वाजता सुमारास स्वारगेट एस.टी स्टॅन्ड येथे ठाणे येथे जाणा-या बसमध्ये चढत असताना कोणीतरी अज्ञात चोरट्याने फिर्यादी यांची सोन्याची दागिने असलेली पर्स चोरुन नेले आहे म्हणुन वरील प्रमाणे फिर्यादी यांनी तक्रार दिल्याने गुन्हा नोंद करण्यात आला होता.
दाखल गुन्हयातील चोरीस गेले मालाचा व अज्ञात चोरटयाचा हददीमध्ये शोध घेत असताना तपास पथकातील पोलीस अंमलदार सुजय पवार व संदीप घुले यांना त्यांचे बातमीदार मार्फत खात्रीलायक बातमी मिळाली की, एक संशयित महिला स्वारगेट एसटी स्टॅन्ड येथे संशयितरित्या फिरत आहे अशी बातमी मिळाल्याने त्यांनी आम्हास बातमीचा आशय सांगितला असता आम्ही कायदेशीर कारवाई करणेबाबत तपास पथकातील अधिकारी व अंमलदार यांना आदेशित केल्याने सदर पथकाने स्वारगेट एसटी स्टॅन्ड येथे जावुन सापळा लावुन थांबले असता सदर महिला संशयितरित्या फिरत असल्याचे दिसुन आल्याने तपास पथकातील पोलीस उपनिरीक्षक अशोक येवले, पो/अं सुजय पवार, संदीप घुले व महिला पोलीस अंमलदार काटे यांनी शिताफीने सदर महिलेस ताब्यात घेवुन त्यांना त्यांचा नाव व पत्ता विचारता त्यांनी त्यांचे नाव हेमा अर्जुन शिंदे वय २५ वर्षे रा. श्रीराम थिएटरजवळ अकलुज ता. माळशिरस जि. सोलापुर. असे असल्याचे सांगितले त्यांचे कडे दाखल गुन्हयाबाबत तपास केला असता त्यांनी दाखल गुन्हा केलेबाबत कबुली दिल्याने त्यांना अटक करुन त्यांचेकडे अधिक तपास केला असता सदर आरोपीतांनी चोरी केलेले सोन्याचे दागिने लोणंद व अकलुज येथील सोनार दुकानदारांना विक्री केल्याचे सांगितल्याने सदरचा मुद्देमाल सदर ठिकाणी जावुन जप्त करण्यात आला आहे.
सदर अटक आरोपीतांकडे तपास करीत असताना तपासा दरम्यान सदर आरोपीतांने स्वारगेट पोलीस स्टेशन येथे दाखल असलेले एकुण ०७ गुन्हयातील चोरीस गेलेले एकुण १७० ग्रॅम (१७ तोळे) वजनाचे एकुण ८,५०,०००/- रू किंमतीचे सोन्याचे दागिन्यांचा मुद्देमाल हस्तगत करुन एकुण ०७ गुन्हे उघड करुन उल्लेखनीय कामगिरी केली आहे.
सदरची कामगिरी ही मा. श्री. प्रविणकुमार पाटील सो, अप्पर पोलीस आयुक्त, पश्चिम प्रादेशिक विभाग, पुणे शहर, मा. स्मार्तना पाटील सो, पोलीस उप-आयुक्त, परिमंडळ-२, पुणे शहर, मा. श्री. नारायण शिरगांवकर सो सहा. पोलीस आयुक्त, स्वारगेट विभाग, पुणे शहर यांचे मार्गदर्शनाखाली स्वारगेट पोलीस स्टेशनचे वरिष्ठ पोलीस निरीक्षक श्री. सुनिल झावरे, पोलीस निरीक्षक (गुन्हे) श्री. सोमनाथ जाधव यांच्या आदेशान्वये तपास पथकातील सहा. पोलीस निरीक्षक प्रशांत संदे, पोलीस उपनिरीक्षक अशोक येवले, सहा. पोलीस उपनिरीक्षक मुकुंद तारु, व पो / अं १००५७ सुजय पवार, पो/अं १०१४७ संदीप घुले, पो/अं १००१६ शिवा गायकवाड, पो/ अं १००६२ फिरोज शेख, पो/ अं ९८२० अनिस शेख, पो/अं ८२३९ सोमनाथ कांबळे, पो/अं १००६८ रमेश चव्हाण, पो / अं ३५४१ प्रविण गोडसे, पो / अं ९९६३ दिपक खेंदाड, म.पो / १०९१५ होळकर म.पो / अं ९३२४ काटे यांनी एकत्र मिळुन केली आहे.
